حَدَّثَنَا عَبْدُ بْنُ حُمَيْدٍ، أَخْبَرَنَا عَبْدُ الرَّزَّاقِ، عَنْ مَعْمَرٍ، عَنِ الزُّهْرِيِّ، عَنْ عُبَيْدِ اللَّهِ بْنِ عَبْدِ اللَّهِ بْنِ أَبِي ثَوْرٍ، قَالَ سَمِعْتُ ابْنَ عَبَّاسٍ، رضى الله عنهما يَقُولُ لَمْ أَزَلْ حَرِيصًا أَنْ أَسْأَلَ عُمَرَ عَنِ الْمَرْأَتَيْنِ مِنْ أَزْوَاجِ النَّبِيِّ صلى الله عليه وسلم اللَّتَيْنِ قَالَ اللَّهُ عَزَّ وَجَلَّْ : (إن تَتُوبَا إِلَى اللَّهِ فَقَدْ صَغَتْ قُلُوبُكُمَا ) حَتَّى حَجَّ عُمَرُ وَحَجَجْتُ مَعَهُ فَصَبَبْتُ عَلَيْهِ مِنَ الإِدَاوَةِ فَتَوَضَّأَ فَقُلْتُ يَا أَمِيرَ الْمُؤْمِنِينَ مَنِ الْمَرْأَتَانِ مِنْ أَزْوَاجِ النَّبِيِّ صلى الله عليه وسلم اللَّتَانِ قَالَ اللَّهُْ : ( إن تَتُوبَا إِلَى اللَّهِ فَقَدْ صَغَتْ قُلُوبُكُمَا وَإِنْ تَظَاهَرَا عَلَيْهِ فَإِنَّ اللَّهَ هُوَ مَوْلاَهُ ) فَقَالَ لِي وَاعَجَبًا لَكَ يَا ابْنَ عَبَّاسٍ قَالَ الزُّهْرِيُّ وَكَرِهَ وَاللَّهِ مَا سَأَلَهُ عَنْهُ وَلَمْ يَكْتُمْهُ فَقَالَ لِي هِيَ عَائِشَةُ وَحَفْصَةُ قَالَ ثُمَّ أَنْشَأَ يُحَدِّثُنِي الْحَدِيثَ فَقَالَ كُنَّا مَعْشَرَ قُرَيْشٍ نَغْلِبُ النِّسَاءَ فَلَمَّا قَدِمْنَا الْمَدِينَةَ وَجَدْنَا قَوْمًا تَغْلِبُهُمْ نِسَاؤُهُمْ فَطَفِقَ نِسَاؤُنَا يَتَعَلَّمْنَ مِنْ نِسَائِهِمْ فَتَغَضَّبْتُ عَلَى امْرَأَتِي يَوْمًا فَإِذَا هِيَ تُرَاجِعُنِي فَأَنْكَرْتُ أَنْ تُرَاجِعَنِي فَقَالَتْ مَا تُنْكِرُ مِنْ ذَلِكَ فَوَاللَّهِ إِنَّ أَزْوَاجَ النَّبِيِّ صلى الله عليه وسلم لَيُرَاجِعْنَهُ وَتَهْجُرُهُ إِحْدَاهُنَّ الْيَوْمَ إِلَى اللَّيْلِ . قَالَ قُلْتُ فِي نَفْسِي قَدْ خَابَتْ مَنْ فَعَلَتْ ذَلِكَ مِنْهُنَّ وَخَسِرَتْ . قَالَ وَكَانَ مَنْزِلِي بِالْعَوَالِي فِي بَنِي أُمَيَّةَ وَكَانَ لِي جَارٌ مِنَ الأَنْصَارِ كُنَّا نَتَنَاوَبُ النُّزُولَ إِلَى رَسُولِ اللَّهِ صلى الله عليه وسلم فَيَنْزِلُ يَوْمًا فَيَأْتِينِي بِخَبَرِ الْوَحْىِ وَغَيْرِهِ وَأَنْزِلُ يَوْمًا فَآتِيهِ بِمِثْلِ ذَلِكَ . قَالَ وَكُنَّا نُحَدِّثُ أَنَّ غَسَّانَ تُنْعِلُ الْخَيْلَ لِتَغْزُوَنَا . قَالَ فَجَاءَنِي يَوْمًا عِشَاءً فَضَرَبَ عَلَىَّ الْبَابَ فَخَرَجْتُ إِلَيْهِ فَقَالَ حَدَثَ أَمْرٌ عَظِيمٌ . قُلْتُ أَجَاءَتْ غَسَّانُ قَالَ أَعْظَمُ مِنْ ذَلِكَ طَلَّقَ رَسُولُ اللَّهِ صلى الله عليه وسلم نِسَاءَهُ . قَالَ قُلْتُ فِي نَفْسِي قَدْ خَابَتْ حَفْصَةُ وَخَسِرَتْ قَدْ كُنْتُ أَظُنُّ هَذَا كَائِنًا قَالَ فَلَمَّا صَلَّيْتُ الصُّبْحَ شَدَدْتُ عَلَىَّ ثِيَابِي ثُمَّ انْطَلَقْتُ حَتَّى دَخَلْتُ عَلَى حَفْصَةَ فَإِذَا هِيَ تَبْكِي فَقُلْتُ أَطَلَّقَكُنَّ رَسُولُ اللَّهِ صلى الله عليه وسلم قَالَتْ لاَ أَدْرِي هُوَ ذَا مُعْتَزِلٌ فِي هَذِهِ الْمَشْرُبَةِ . قَالَ فَانْطَلَقْتُ فَأَتَيْتُ غُلاَمًا أَسْوَدَ فَقُلْتُ اسْتَأْذِنْ لِعُمَرَ . قَالَ فَدَخَلَ ثُمَّ خَرَجَ إِلَىَّ . قَالَ قَدْ ذَكَرْتُكَ لَهُ فَلَمْ يَقُلْ شَيْئًا . قَالَ فَانْطَلَقْتُ إِلَى الْمَسْجِدِ فَإِذَا حَوْلَ الْمِنْبَرِ نَفَرٌ يَبْكُونَ فَجَلَسْتُ إِلَيْهِمْ ثُمَّ غَلَبَنِي مَا أَجِدُ فَأَتَيْتُ الْغُلاَمَ فَقُلْتُ اسْتَأْذِنْ لِعُمَرَ . فَدَخَلَ ثُمَّ خَرَجَ إِلَىَّ فَقَالَ قَدْ ذَكَرْتُكَ لَهُ فَلَمْ يَقُلْ شَيْئًا . قَالَ فَانْطَلَقْتُ إِلَى الْمَسْجِدِ أَيْضًا فَجَلَسْتُ ثُمَّ غَلَبَنِي مَا أَجِدُ فَأَتَيْتُ الْغُلاَمَ فَقُلْتُ اسْتَأْذِنْ لِعُمَرَ . فَدَخَلَ ثُمَّ خَرَجَ إِلَىَّ فَقَالَ قَدْ ذَكَرْتُكَ لَهُ فَلَمْ يَقُلْ شَيْئًا . قَالَ فَوَلَّيْتُ مُنْطَلِقًا فَإِذَا الْغُلاَمُ يَدْعُونِي فَقَالَ ادْخُلْ فَقَدْ أُذِنَ لَكَ فَدَخَلْتُ فَإِذَا النَّبِيُّ صلى الله عليه وسلم مُتَّكِئٌ عَلَى رَمْلٍ حَصِيرٍ قَدْ رَأَيْتُ أَثَرَهُ فِي جَنْبِهِ فَقُلْتُ يَا رَسُولَ اللَّهِ أَطَلَّقْتَ نِسَاءَكَ قَالَ لاَ . قُلْتُ اللَّهُ أَكْبَرُ لَقَدْ رَأَيْتُنَا يَا رَسُولَ اللَّهِ وَنَحْنُ مَعْشَرَ قُرَيْشٍ نَغْلِبُ النِّسَاءَ فَلَمَّا قَدِمْنَا الْمَدِينَةَ وَجَدْنَا قَوْمًا تَغْلِبُهُمْ نِسَاؤُهُمْ فَطَفِقَ نِسَاؤُنَا يَتَعَلَّمْنَ مِنْ نِسَائِهِمْ فَتَغَضَّبْتُ يَوْمًا عَلَى امْرَأَتِي فَإِذَا هِيَ تُرَاجِعُنِي فَأَنْكَرْتُ ذَلِكَ فَقَالَتْ مَا تُنْكِرُ فَوَاللَّهِ إِنَّ أَزْوَاجَ النَّبِيِّ صلى الله عليه وسلم لَيُرَاجِعْنَهُ وَتَهْجُرُهُ إِحْدَاهُنَّ الْيَوْمَ إِلَى اللَّيْلِ . قَالَ فَقُلْتُ لِحَفْصَةَ أَتُرَاجِعِينَ رَسُولَ اللَّهِ صلى الله عليه وسلم قَالَتْ نَعَمْ وَتَهْجُرُهُ إِحْدَانَا الْيَوْمَ إِلَى اللَّيْلِ . فَقُلْتُ قَدْ خَابَتْ مَنْ فَعَلَتْ ذَلِكَ مِنْكُنَّ وَخَسِرَتْ أَتَأْمَنُ إِحْدَاكُنَّ أَنْ يَغْضَبَ اللَّهُ عَلَيْهَا لِغَضَبِ رَسُولِهِ فَإِذَا هِيَ قَدْ هَلَكَتْ فَتَبَسَّمَ النَّبِيُّ صلى الله عليه وسلم . قَالَ فَقُلْتُ لِحَفْصَةَ لاَ تُرَاجِعِي رَسُولَ اللَّهِ صلى الله عليه وسلم وَلاَ تَسْأَلِيهِ شَيْئًا وَسَلِينِي مَا بَدَا لَكِ وَلاَ يَغُرَّنَّكِ أَنْ كَانَتْ صَاحِبَتُكِ أَوْسَمَ مِنْكِ وَأَحَبَّ إِلَى رَسُولِ اللَّهِ صلى الله عليه وسلم . قَالَ فَتَبَسَّمَ أُخْرَى فَقُلْتُ يَا رَسُولَ اللَّهِ أَسْتَأْنِسُ قَالَ " نَعَمْ " . قَالَ فَرَفَعْتُ رَأْسِي فَمَا رَأَيْتُ فِي الْبَيْتِ إِلاَّ أَهَبَةً ثَلاَثَةً . قَالَ فَقُلْتُ يَا رَسُولَ اللَّهِ ادْعُ اللَّهَ أَنْ يُوَسِّعَ عَلَى أُمَّتِكَ فَقَدْ وَسَّعَ عَلَى فَارِسَ وَالرُّومِ وَهُمْ لاَ يَعْبُدُونَهُ . فَاسْتَوَى جَالِسًا فَقَالَ " أَوَفِي شَكٍّ أَنْتَ يَا ابْنَ الْخَطَّابِ أُولَئِكَ قَوْمٌ عُجِّلَتْ لَهُمْ طَيِّبَاتُهُمْ فِي الْحَيَاةِ الدُّنْيَا " . قَالَ وَكَانَ أَقْسَمَ أَنْ لاَ يَدْخُلَ عَلَى نِسَائِهِ شَهْرًا فَعَاتَبَهُ اللَّهُ فِي ذَلِكَ وَجَعَلَ لَهُ كَفَّارَةَ الْيَمِينِ . قَالَ الزُّهْرِيُّ فَأَخْبَرَنِي عُرْوَةُ، عَنْ عَائِشَةَ، قَالَتْ فَلَمَّا مَضَتْ تِسْعٌ وَعِشْرُونَ دَخَلَ عَلَىَّ النَّبِيُّ صلى الله عليه وسلم بَدَأَ بِي فَقَالَ " يَا عَائِشَةُ إِنِّي ذَاكِرٌ لَكِ شَيْئًا فَلاَ تَعْجَلِي حَتَّى تَسْتَأْمِرِي أَبَوَيْكِ " . قَالَتْ ثُمَّ قَرَأَ هَذِهِ الآيَةَ ( يا أَيُّهَا النَّبِيُّ قُلْ لأَزْوَاجِكَ ) الآيَةَ . قَالَتْ عَلِمَ وَاللَّهِ أَنَّ أَبَوَىَّ لَمْ يَكُونَا يَأْمُرَانِي بِفِرَاقِهِ فَقُلْتُ أَفِي هَذَا أَسْتَأْمِرُ أَبَوَىَّ فَإِنِّي أُرِيدُ اللَّهَ وَرَسُولَهُ وَالدَّارَ الآخِرَةَ . قَالَ مَعْمَرٌ فَأَخْبَرَنِي أَيُّوبُ أَنَّ عَائِشَةَ قَالَتْ لَهُ يَا رَسُولَ اللَّهِ لاَ تُخْبِرْ أَزْوَاجَكَ أَنِّي اخْتَرْتُكَ . فَقَالَ النَّبِيُّ صلى الله عليه وسلم " إِنَّمَا بَعَثَنِي اللَّهُ مُبَلِّغًا وَلَمْ يَبْعَثْنِي مُتَعَنِّتًا " . قَالَ هَذَا حَدِيثٌ حَسَنٌ صَحِيحٌ غَرِيبٌ قَدْ رُوِيَ مِنْ غَيْرِ وَجْهٍ عَنِ ابْنِ عَبَّاسٍ .
Ibn Abbos (roziyallohu anhumo)dan rivoyat qilinadi: U dedi: «Men Allloh azza va jalla: {Agar ikkovingiz Allohga tavba qilsangiz (yaxshidir), zero qalblaringiz (haqdan) ogʻib qolgan edi} (Tahrim 4) degan, Nabiy ﷺning ayollaridan ikki ayol haqida Umardan soʻrashni juda istardim — toki Umar haj qilib, men ham u bilan birga haj qilgunimcha. Men idishdan unga (suv) quydim, u tahorat qildi. Men: ‹Ey amiralmoʻminin, Alloh: {Agar ikkovingiz Allohga tavba qilsangiz, zero qalblaringiz ogʻib qolgan edi va agar unga qarshi til biriktirsangiz, bas, albatta Alloh uning Mavlosidir} degan, Nabiy ﷺning ayollaridan ikki ayol kim?› dedim. U menga: ‹Sendan hayronman, ey Ibn Abbos!› dedi». Zuhriy aytdi: Alloh haqi, u (Umar) bu haqda soʻralganini yoqtirmadi, lekin (haqiqatni) yashirmadi. U menga: «Ular Oisha va Hafsadir», dedi. Soʻng menga (boshqa) hadisni hikoya qila boshlab dedi: «Biz quraysh jamoasi ayollarimizdan ustun edik. Madinaga kelganimizda, ayollari ularning ustidan keladigan bir qavmni topdik. Bizning ayollarimiz ham ularning ayollaridan (shuni) oʻrgana boshladilar. Bir kuni xotinimga gʻazablandim, u esa menga (qaytarib) javob qaytardi. Menga javob qaytarganini yomon koʻrdim. U: ‹Buni nega yomon koʻrasan? Alloh haqi, Nabiy ﷺning ayollari ham u zotga javob qaytaradilar, hatto ulardan biri kunduzdan kechgacha u zotdan voz kechib (ranjib) turadi›, dedi. Men oʻzimcha: ‹Ulardan kim shunday qilsa, albatta noumid va ziyon koʻrgan boʻlur›, dedim. Mening manzilim Avoliyda, Banu Umayya (mahallasida) edi. Ansorlardan bir qoʻshnim bor edi, biz Rasululloh ﷺning huzuriga navbatma-navbat tushib turardik. U bir kuni tushib, menga vahiy va boshqa xabarlarni keltirardi, men bir kuni tushib, unga shunday (xabar) keltirardim. Biz: ‹Gʻassoniylar bizga gʻazot qilmoq uchun otlarini taqalayotgan emish›, deb gaplashardik. Bir kuni kechki paytda u kelib eshigimni qoqdi. Men oldiga chiqdim. U: ‹Katta ish yuz berdi›, dedi. Men: ‹Gʻassoniylar keldimi?› dedim. U: ‹Undan ham kattaroq: Rasululloh ﷺ ayollarini taloq qildilar›, dedi. Men oʻzimcha: ‹Hafsa noumid va ziyon koʻrdi, men buning boʻlishini gumon qilgan edim›, dedim. Bomdodni oʻqib boʻlgach, kiyimimni mahkam bogʻlab, Hafsaning oldiga kirdim. U yigʻlayotgan edi. Men: ‹Sizlarni Rasululloh ﷺ taloq qildilarmi?› dedim. U: ‹Bilmadim, mana u zot mana bu balandxonada (ayollaridan) ajralib turibdilar›, dedi. Men borib qora bir gʻulomning oldiga keldim va: ‹Umar uchun (kirishga) izn soʻra›, dedim. U kirib, soʻng oldimga chiqdi va: ‹Seni u zotga eslatdim, lekin hech narsa demadilar›, dedi. Men masjidga bordim, mana minbar atrofida bir guruh odamlar yigʻlab oʻtirardi. Men ular bilan oʻtirdim, soʻng ichimdagi (gʻam) meni yengdi va gʻulomning oldiga kelib: ‹Umar uchun izn soʻra›, dedim. U kirib, soʻng chiqib: ‹Seni u zotga eslatdim, lekin hech narsa demadilar›, dedi. Men yana masjidga bordim va oʻtirdim, soʻng ichimdagi (gʻam) meni yengdi va gʻulomning oldiga kelib: ‹Umar uchun izn soʻra›, dedim. U kirib, soʻng chiqib: ‹Seni u zotga eslatdim, lekin hech narsa demadilar›, dedi. Men ortimga qaytib ketayotgan edim, gʻulom meni chaqirib: ‹Kir, senga izn berildi›, dedi. Men kirdim, mana Nabiy ﷺ qamishdan toʻqilgan boʻyraga suyanib yotgan edilar — uning izini u zotning yon tomonida koʻrdim. Men: ‹Ey Rasululloh, ayollaringizni taloq qildingizmi?› dedim. U zot: ‹Yoʻq›, dedilar. Men: ‹Allohu akbar! Ey Rasululloh, biz quraysh jamoasi ayollarimizdan ustun edik, deb (oʻylardik). Madinaga kelganimizda, ayollari ular ustidan keladigan bir qavmni topdik. Bizning ayollarimiz ham ularning ayollaridan (shuni) oʻrgana boshladilar. Bir kuni xotinimga gʻazablandim, u esa menga javob qaytardi. Buni yomon koʻrdim. U: ‹Nega yomon koʻrasan? Alloh haqi, Nabiy ﷺning ayollari ham u zotga javob qaytaradilar, hatto ulardan biri kunduzdan kechgacha u zotdan voz kechib turadi›, dedi. Men Hafsaga: ‹Rasululloh ﷺga javob qaytarasanmi?› dedim. U: ‹Ha, hatto bizdan biri kunduzdan kechgacha u zotdan voz kechib turadi›, dedi. Men: ‹Sizlardan kim shunday qilsa, albatta noumid va ziyon koʻrdi. Sizlardan biri Rasullullohning gʻazabi sababli Alloh uning ustiga gʻazablanib, halok boʻlishidan oʻzini emin biladimi?› dedim›, dedim. Shunda Nabiy ﷺ jilmaydilar. Men: ‹Hafsaga: ‹Rasululloh ﷺga javob qaytarma va u zotdan biror narsa soʻrama, nimani istasang mendan soʻra. Sherigingning sendan koʻra goʻzalroq va Rasululloh ﷺga sevimliroq ekani seni aldab qoʻymasin›, dedim›, dedim. Shunda u zot yana jilmaydilar. Men: ‹Ey Rasululloh, (oldingizda) bemalol oʻtirsam boʻladimi?› dedim. U zot: ‹Ha›, dedilar. Men boshimni koʻtardim, uyda uchta oshlangan teridan boshqa narsani koʻrmadim. Men: ‹Ey Rasululloh, Allohga ummatingizga (rizqni) keng qilishi uchun duo qiling, zero U fors va rumliklarga keng qilib bergan, holbuki ular Unga ibodat qilmaydilar›, dedim. U zot qaddini rostlab oʻtirib: ‹Shubhadamisan, ey Ibn Xattob? Ular oʻzlarining poklarini (lazzatlarini) shu dunyo hayotida tezda berilgan qavmdir›, dedilar». U zot ayollarining oldiga bir oy kirmaslikka qasam ichgan edilar. Alloh bu haqda u zotni itob qildi va unga qasamning kafforatini joriy qildi. Zuhriy aytdi: Menga Urva, Oisha (roziyallohu anho)dan xabar berib aytdi: «Yigirma toqqiz kun oʻtgach, Nabiy ﷺ huzurimga kirdilar va mendan boshladilar. U zot: ‹Ey Oisha, men senga bir narsani aytaman, otang va onangdan maslahat soʻramaguningcha shoshilma›, dedilar». U dedi: «Soʻng u zot mana bu oyatni oʻqidilar: {Ey Nabiy, ayollaringga ayt...} oyatini (Ahzob 28). Alloh haqi, u zot ota-onam meni u zotdan ajralishga buyurmasligini bilardilar. Men: ‹Shu haqda ota-onamdan maslahat soʻraymanmi? Albatta men Allohni, Rasulini va oxirat diyorini istayman›, dedim». Maʼmar dedi: Menga Ayyub xabar berdiki, Oisha u zotga: «Ey Rasululloh, ayollaringizga men sizni tanlaganimni aytmang», dedi. Shunda Nabiy ﷺ: «Albatta Allloh meni (haqni) yetkazuvchi qilib yubordi, mashaqqatga soluvchi qilib yubormadi», dedilar. Abu Iso aytdi: Bu hadis hasan sahih gʻaribdir, u Ibn Abbosdan bir necha tariq bilan rivoyat qilingan.Ибн Аббос (розияллоҳу анҳумо)дан ривоят қилинади: У деди: «Мен Алллоҳ азза ва жалла: {Агар икковингиз Аллоҳга тавба қилсангиз (яхшидир), зеро қалбларингиз (ҳақдан) оғиб қолган эди} (Таҳрим 4) деган, Набий ﷺнинг аёлларидан икки аёл ҳақида Умардан сўрашни жуда истардим — токи Умар ҳаж қилиб, мен ҳам у билан бирга ҳаж қилгунимча. Мен идишдан унга (сув) қуйдим, у таҳорат қилди. Мен: ‹Эй амиралмўминин, Аллоҳ: {Агар икковингиз Аллоҳга тавба қилсангиз, зеро қалбларингиз оғиб қолган эди ва агар унга қарши тил бириктирсангиз, бас, албатта Аллоҳ унинг Мавлосидир} деган, Набий ﷺнинг аёлларидан икки аёл ким?› дедим. У менга: ‹Сендан ҳайронман, эй Ибн Аббос!› деди». Зуҳрий айтди: Аллоҳ ҳақи, у (Умар) бу ҳақда сўралганини ёқтирмади, лекин (ҳақиқатни) яширмади. У менга: «Улар Оиша ва Ҳафсадир», деди. Сўнг менга (бошқа) ҳадисни ҳикоя қила бошлаб деди: «Биз қурайш жамоаси аёлларимиздан устун эдик. Мадинага келганимизда, аёллари уларнинг устидан келадиган бир қавмни топдик. Бизнинг аёлларимиз ҳам уларнинг аёлларидан (шуни) ўргана бошладилар. Бир куни хотинимга ғазабландим, у эса менга (қайтариб) жавоб қайтарди. Менга жавоб қайтарганини ёмон кўрдим. У: ‹Буни нега ёмон кўрасан? Аллоҳ ҳақи, Набий ﷺнинг аёллари ҳам у зотга жавоб қайтарадилар, ҳатто улардан бири кундуздан кечгача у зотдан воз кечиб (ранжиб) туради›, деди. Мен ўзимча: ‹Улардан ким шундай қилса, албатта ноумид ва зиён кўрган бўлур›, дедим. Менинг манзилим Аволийда, Бану Умайя (маҳалласида) эди. Ансорлардан бир қўшним бор эди, биз Расулуллоҳ ﷺнинг ҳузурига навбатма-навбат тушиб турардик. У бир куни тушиб, менга ваҳий ва бошқа хабарларни келтирарди, мен бир куни тушиб, унга шундай (хабар) келтирардим. Биз: ‹Ғассонийлар бизга ғазот қилмоқ учун отларини тақалаётган эмиш›, деб гаплашардик. Бир куни кечки пайтда у келиб эшигимни қоқди. Мен олдига чиқдим. У: ‹Катта иш юз берди›, деди. Мен: ‹Ғассонийлар келдими?› дедим. У: ‹Ундан ҳам каттароқ: Расулуллоҳ ﷺ аёлларини талоқ қилдилар›, деди. Мен ўзимча: ‹Ҳафса ноумид ва зиён кўрди, мен бунинг бўлишини гумон қилган эдим›, дедим. Бомдодни ўқиб бўлгач, кийимимни маҳкам боғлаб, Ҳафсанинг олдига кирдим. У йиғлаётган эди. Мен: ‹Сизларни Расулуллоҳ ﷺ талоқ қилдиларми?› дедим. У: ‹Билмадим, мана у зот мана бу баландхонада (аёлларидан) ажралиб турибдилар›, деди. Мен бориб қора бир ғуломнинг олдига келдим ва: ‹Умар учун (киришга) изн сўра›, дедим. У кириб, сўнг олдимга чиқди ва: ‹Сени у зотга эслатдим, лекин ҳеч нарса демадилар›, деди. Мен масжидга бордим, мана минбар атрофида бир гуруҳ одамлар йиғлаб ўтирарди. Мен улар билан ўтирдим, сўнг ичимдаги (ғам) мени енгди ва ғуломнинг олдига келиб: ‹Умар учун изн сўра›, дедим. У кириб, сўнг чиқиб: ‹Сени у зотга эслатдим, лекин ҳеч нарса демадилар›, деди. Мен яна масжидга бордим ва ўтирдим, сўнг ичимдаги (ғам) мени енгди ва ғуломнинг олдига келиб: ‹Умар учун изн сўра›, дедим. У кириб, сўнг чиқиб: ‹Сени у зотга эслатдим, лекин ҳеч нарса демадилар›, деди. Мен ортимга қайтиб кетаётган эдим, ғулом мени чақириб: ‹Кир, сенга изн берилди›, деди. Мен кирдим, мана Набий ﷺ қамишдан тўқилган бўйрага суяниб ётган эдилар — унинг изини у зотнинг ён томонида кўрдим. Мен: ‹Эй Расулуллоҳ, аёлларингизни талоқ қилдингизми?› дедим. У зот: ‹Йўқ›, дедилар. Мен: ‹Аллоҳу акбар! Эй Расулуллоҳ, биз қурайш жамоаси аёлларимиздан устун эдик, деб (ўйлардик). Мадинага келганимизда, аёллари улар устидан келадиган бир қавмни топдик. Бизнинг аёлларимиз ҳам уларнинг аёлларидан (шуни) ўргана бошладилар. Бир куни хотинимга ғазабландим, у эса менга жавоб қайтарди. Буни ёмон кўрдим. У: ‹Нега ёмон кўрасан? Аллоҳ ҳақи, Набий ﷺнинг аёллари ҳам у зотга жавоб қайтарадилар, ҳатто улардан бири кундуздан кечгача у зотдан воз кечиб туради›, деди. Мен Ҳафсага: ‹Расулуллоҳ ﷺга жавоб қайтарасанми?› дедим. У: ‹Ҳа, ҳатто биздан бири кундуздан кечгача у зотдан воз кечиб туради›, деди. Мен: ‹Сизлардан ким шундай қилса, албатта ноумид ва зиён кўрди. Сизлардан бири Расуллуллоҳнинг ғазаби сабабли Аллоҳ унинг устига ғазабланиб, ҳалок бўлишидан ўзини эмин биладими?› дедим›, дедим. Шунда Набий ﷺ жилмайдилар. Мен: ‹Ҳафсага: ‹Расулуллоҳ ﷺга жавоб қайтарма ва у зотдан бирор нарса сўрама, нимани истасанг мендан сўра. Шеригингнинг сендан кўра гўзалроқ ва Расулуллоҳ ﷺга севимлироқ экани сени алдаб қўймасин›, дедим›, дедим. Шунда у зот яна жилмайдилар. Мен: ‹Эй Расулуллоҳ, (олдингизда) бемалол ўтирсам бўладими?› дедим. У зот: ‹Ҳа›, дедилар. Мен бошимни кўтардим, уйда учта ошланган теридан бошқа нарсани кўрмадим. Мен: ‹Эй Расулуллоҳ, Аллоҳга умматингизга (ризқни) кенг қилиши учун дуо қилинг, зеро У форс ва румликларга кенг қилиб берган, ҳолбуки улар Унга ибодат қилмайдилар›, дедим. У зот қаддини ростлаб ўтириб: ‹Шубҳадамисан, эй Ибн Хаттоб? Улар ўзларининг покларини (лаззатларини) шу дунё ҳаётида тезда берилган қавмдир›, дедилар». У зот аёлларининг олдига бир ой кирмасликка қасам ичган эдилар. Аллоҳ бу ҳақда у зотни итоб қилди ва унга қасамнинг каффоратини жорий қилди. Зуҳрий айтди: Менга Урва, Оиша (розияллоҳу анҳо)дан хабар бериб айтди: «Йигирма тоққиз кун ўтгач, Набий ﷺ ҳузуримга кирдилар ва мендан бошладилар. У зот: ‹Эй Оиша, мен сенга бир нарсани айтаман, отанг ва онангдан маслаҳат сўрамагунингча шошилма›, дедилар». У деди: «Сўнг у зот мана бу оятни ўқидилар: {Эй Набий, аёлларингга айт...} оятини (Аҳзоб 28). Аллоҳ ҳақи, у зот ота-онам мени у зотдан ажралишга буюрмаслигини билардилар. Мен: ‹Шу ҳақда ота-онамдан маслаҳат сўрайманми? Албатта мен Аллоҳни, Расулини ва охират диёрини истайман›, дедим». Маъмар деди: Менга Айюб хабар бердики, Оиша у зотга: «Эй Расулуллоҳ, аёлларингизга мен сизни танлаганимни айтманг», деди. Шунда Набий ﷺ: «Албатта Алллоҳ мени (ҳақни) етказувчи қилиб юборди, машаққатга солувчи қилиб юбормади», дедилар. Абу Исо айтди: Бу ҳадис ҳасан саҳиҳ ғарибдир, у Ибн Аббосдан бир неча тариқ билан ривоят қилинган.