Ibn Abbos (roziyallohu anhumo) aytdi: Rasululloh ﷺning vafotlari yaqinlashganda, u zot: «Keltiringlar, sizlarga bir hujjat yozib qoldiray, undan keyin adashmaysizlar», dedilar. Uyda esa bir necha kishilar bor edi, ular orasida Umar ibn al-Xattob ham bor edi. Umar: «Albatta, Rasululloh ﷺni ogʻriq yengib qoʻydi, sizlarning oldingizda Qurʼon bor; bizga Allohning Kitobi yetarli», dedi. Shunda uydagilar ixtilofga tushib, tortishib ketdilar. Ulardan baʼzilari: «Rasululloh ﷺ sizlarga yozib bersinlar», deyishar — yoki: «Yaqinlashtiringlar, Rasululloh ﷺ sizlarga yozib bersinlar», degan edi — baʼzilari esa Umar aytgan gapni aytishar edi. Ular behuda gap va ixtilofni koʻpaytirib, Rasululloh ﷺni ranjitishgach, u zot: «Turinglar, oldimdan (chiqib ketinglar)», dedilar. Ibn Abbos: «Albatta, musibatlarning eng katta musibati Rasululloh ﷺ bilan u zotning ularga oʻsha hujjatni yozib berishlari oʻrtasiga ularning ixtilofi va shovqin-suroni toʻsiq boʻlganidir», der edi.Ибн Аббос (розияллоҳу анҳумо) айтди: Расулуллоҳ ﷺнинг вафотлари яқинлашганда, у зот: «Келтиринглар, сизларга бир ҳужжат ёзиб қолдирай, ундан кейин адашмайсизлар», дедилар. Уйда эса бир неча кишилар бор эди, улар орасида Умар ибн ал-Хаттоб ҳам бор эди. Умар: «Албатта, Расулуллоҳ ﷺни оғриқ енгиб қўйди, сизларнинг олдингизда Қуръон бор; бизга Аллоҳнинг Китоби етарли», деди. Шунда уйдагилар ихтилофга тушиб, тортишиб кетдилар. Улардан баъзилари: «Расулуллоҳ ﷺ сизларга ёзиб берсинлар», дейишар — ёки: «Яқинлаштиринглар, Расулуллоҳ ﷺ сизларга ёзиб берсинлар», деган эди — баъзилари эса Умар айтган гапни айтишар эди. Улар беҳуда гап ва ихтилофни кўпайтириб, Расулуллоҳ ﷺни ранжитишгач, у зот: «Туринглар, олдимдан (чиқиб кетинглар)», дедилар. Ибн Аббос: «Албатта, мусибатларнинг энг катта мусибати Расулуллоҳ ﷺ билан у зотнинг уларга ўша ҳужжатни ёзиб беришлари ўртасига уларнинг ихтилофи ва шовқин-сурони тўсиқ бўлганидир», дер эди.