Abu Saʼid al-Xudriy (roziyallohu anhu) Nabiy ﷺdan rivoyat qildi. U zot aytdilar: Bir aʼrobiy Madinaning bir chekkasida oʻz qoʻylari orasida turganida, unga boʻri hujum qilib, qoʻylaridan bir qoʻyni olib qochdi. Aʼrobiy uni quvib yetdi va qoʻyni undan qutqarib olib, uni haydab yubordi. Boʻri esa unga qarshilik qilib yurdi, soʻng dumini oyoqlari orasiga qisgan holda oʻtirib oldi-da, unga xitob qilib: «Alloh menga rizq qilib bergan narsani olding-a», dedi. (Aʼrobiy): «Ajabo! Dumini qisib oʻtirib olgan boʻri men bilan gaplashadi-ya!» dedi. (Boʻri): «Allohga qasamki, sen bundan ham ajabroq narsani tashlab kelyapsan», dedi. (Aʼrobiy): «Bundan ham ajabroq nima?» dedi. (Boʻri): «Ikki harra oraligʻidagi ikki xurmo daraxti (oldida) Rasululloh ﷺ odamlarga oʻtib ketgan (ummatlar) xabaridan va bundan keyin boʻladigan narsalardan soʻzlab bermoqdalar», dedi. Shunda aʼrobiy qoʻylariga qichqirib, ularni Madinaning bir chetiga qamab qoʻydi, soʻng Nabiy ﷺ huzurlariga yurib borib, eshiklarini taqillatdi. Nabiy ﷺ namozni oʻqib boʻlgach: «Qoʻylar sohibi boʻlgan aʼrobiy qani?» dedilar. Aʼrobiy oʻrnidan turdi. Nabiy ﷺ unga: «Odamlarga eshitgan va koʻrgan narsangni soʻzlab ber», dedilar. Aʼrobiy odamlarga boʻridan koʻrgan va undan eshitgan narsasini soʻzlab berdi. Shunda Nabiy ﷺ: «U rost aytdi. (Bular) Soatdan oldin boʻladigan alomatlardir. Jonim Qoʻlida boʻlgan Zotga qasamki, biringiz oʻz ahlidan chiqib ketib, unga kovushi xabar bermaguncha — yoki», dedilar.Абу Саъид ал-Худрий (розияллоҳу анҳу) Набий ﷺдан ривоят қилди. У зот айтдилар: Бир аъробий Мадинанинг бир чеккасида ўз қўйлари орасида турганида, унга бўри ҳужум қилиб, қўйларидан бир қўйни олиб қочди. Аъробий уни қувиб етди ва қўйни ундан қутқариб олиб, уни ҳайдаб юборди. Бўри эса унга қаршилик қилиб юрди, сўнг думини оёқлари орасига қисган ҳолда ўтириб олди-да, унга хитоб қилиб: «Аллоҳ менга ризқ қилиб берган нарсани олдинг-а», деди. (Аъробий): «Ажабо! Думини қисиб ўтириб олган бўри мен билан гаплашади-я!» деди. (Бўри): «Аллоҳга қасамки, сен бундан ҳам ажаброқ нарсани ташлаб келяпсан», деди. (Аъробий): «Бундан ҳам ажаброқ нима?» деди. (Бўри): «Икки ҳарра оралиғидаги икки хурмо дарахти (олдида) Расулуллоҳ ﷺ одамларга ўтиб кетган (умматлар) хабаридан ва бундан кейин бўладиган нарсалардан сўзлаб бермоқдалар», деди. Шунда аъробий қўйларига қичқириб, уларни Мадинанинг бир четига қамаб қўйди, сўнг Набий ﷺ ҳузурларига юриб бориб, эшикларини тақиллатди. Набий ﷺ намозни ўқиб бўлгач: «Қўйлар соҳиби бўлган аъробий қани?» дедилар. Аъробий ўрнидан турди. Набий ﷺ унга: «Одамларга эшитган ва кўрган нарсангни сўзлаб бер», дедилар. Аъробий одамларга бўридан кўрган ва ундан эшитган нарсасини сўзлаб берди. Шунда Набий ﷺ: «У рост айтди. (Булар) Соатдан олдин бўладиган аломатлардир. Жоним Қўлида бўлган Зотга қасамки, бирингиз ўз аҳлидан чиқиб кетиб, унга ковуши хабар бермагунча — ёки», дедилар.