حَدَّثَنَا عَفَّانُ حَدَّثَنَا حَمَّادٌ عَنْ ثَابِتٍ عَنْ أَنَسٍأَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يُصَلِّي نَحْوَ بَيْتِ الْمَقْدِسِ فَنَزَلَتْ {قَدْ نَرَى تَقَلُّبَ وَجْهِكَ فِي السَّمَاءِ فَلَنُوَلِّيَنَّكَ قِبْلَةً تَرْضَاهَا فَوَلِّ وَجْهَكَ شَطْرَ الْمَسْجِدِ الْحَرَامِ} فَمَرَّ رَجُلٌ مِنْ بَنِي سَلَمَةَ وَهُمْ رُكُوعٌ فِي صَلَاةِ الْفَجْرِ وَقَدْ صَلَّوْا رَكْعَةً فَنَادَى أَلَا إِنَّ الْقِبْلَةَ قَدْ حُوِّلَتْ أَلَا إِنَّ الْقِبْلَةَ قَدْ حُوِّلَتْ إِلَى الْكَعْبَةِ قَالَ فَمَالُوا كَمَا هُمْ نَحْوَ الْقِبْلَةِ
Anas ibn Molik (roziyallohu anhu)dan rivoyat qilinadi: Rasululloh ﷺ Baytul-Maqdis tomon namoz oʻqir edilar. Shunda: {Darhaqiqat, Biz yuzingni osmon (tomon) burayotganingni koʻrmoqdamiz. Bas, albatta, seni oʻzing rozi boʻladigan qiblaga burgaymiz. Endi yuzingni Masjidul-Harom tomon bur} degan (oyat) nozil boʻldi. Banu Salamadan bir kishi — ular bomdod namozida rukuʼda edilar va bir rakaat oʻqigan edilar — yonlaridan oʻtib qoldi va: «Ogoh boʻlinglar! Albatta, qibla oʻzgartirildi! Ogoh boʻlinglar! Albatta, qibla Kaʼba tomon oʻzgartirildi», deb nido qildi. Shunda ular oʻsha holatlaricha qibla tomon burildilar.Анас ибн Молик (розияллоҳу анҳу)дан ривоят қилинади: Расулуллоҳ ﷺ Байтул-Мақдис томон намоз ўқир эдилар. Шунда: {Дарҳақиқат, Биз юзингни осмон (томон) бураётганингни кўрмоқдамиз. Бас, албатта, сени ўзинг рози бўладиган қиблага бургаймиз. Энди юзингни Масжидул-Ҳаром томон бур} деган (оят) нозил бўлди. Бану Саламадан бир киши — улар бомдод намозида рукуъда эдилар ва бир ракаат ўқиган эдилар — ёнларидан ўтиб қолди ва: «Огоҳ бўлинглар! Албатта, қибла ўзгартирилди! Огоҳ бўлинглар! Албатта, қибла Каъба томон ўзгартирилди», деб нидо қилди. Шунда улар ўша ҳолатларича қибла томон бурилдилар.