Jobir (roziyallohu anhu)dan rivoyat qilinadi: Bir kishi vafot etdi. Biz uni yuvdik, hanut surdik va kafanladik, soʻng uni Rasululloh ﷺ huzurlariga olib keldik — u zot unga namoz oʻqisinlar deb — va: «Unga namoz oʻqiysizmi?» dedik. U zot bir necha qadam tashladilar, soʻng: «Uning zimmasida qarz bormi?» dedilar. Biz: «Ikki dinor», dedik. Shunda u zot qaytib ketdilar. Abu Qatoda ikkovini oʻz zimmasiga oldi. Biz u zotning huzurlariga keldik va Abu Qatoda: «Ikki dinor mening zimmamda», dedi. Rasululloh ﷺ: «Haq egasining haqqi berildimi va mayyit ulardan xoli boʻldimi?» dedilar. U: «Ha», dedi. Shunda u zot unga namoz oʻqidilar. Soʻng bir kundan keyin: «Ikki dinor nima boʻldi?» dedilar. U: «U kecha vafot etgan edi-ku», dedi. Ertasiga u zot yana unga qaytdilar, u: «Men ikkovini toʻladim», dedi. Shunda Rasululloh ﷺ: «Endi uning terisi salqin tortdi», dedilar. Muoviya ibn Amr bu hadisda: «Biz uni yuvdik», dedi va: «Biz: ‹Unga namoz oʻqiymizmi?› dedik», dedi.Жобир (розияллоҳу анҳу)дан ривоят қилинади: Бир киши вафот этди. Биз уни ювдик, ҳанут сурдик ва кафанладик, сўнг уни Расулуллоҳ ﷺ ҳузурларига олиб келдик — у зот унга намоз ўқисинлар деб — ва: «Унга намоз ўқийсизми?» дедик. У зот бир неча қадам ташладилар, сўнг: «Унинг зиммасида қарз борми?» дедилар. Биз: «Икки динор», дедик. Шунда у зот қайтиб кетдилар. Абу Қатода икковини ўз зиммасига олди. Биз у зотнинг ҳузурларига келдик ва Абу Қатода: «Икки динор менинг зиммамда», деди. Расулуллоҳ ﷺ: «Ҳақ эгасининг ҳаққи берилдими ва маййит улардан холи бўлдими?» дедилар. У: «Ҳа», деди. Шунда у зот унга намоз ўқидилар. Сўнг бир кундан кейин: «Икки динор нима бўлди?» дедилар. У: «У кеча вафот этган эди-ку», деди. Эртасига у зот яна унга қайтдилар, у: «Мен икковини тўладим», деди. Шунда Расулуллоҳ ﷺ: «Энди унинг териси салқин тортди», дедилар. Муовия ибн Амр бу ҳадисда: «Биз уни ювдик», деди ва: «Биз: ‹Унга намоз ўқиймизми?› дедик», деди.