Jobir ibn Abdulloh (roziyallohu anhumo)dan rivoyat qilinadi: Rasululloh ﷺ Jiʼronada Havozin oʻljalarini odamlar orasida taqsimlaganlarida, Banu Tamimdan bir kishi turib: «Ey Muhammad, adolat qil!» dedi. U zot: «Shoʻring qursin! Agar men adolat qilmasam, kim adolat qiladi? Agar adolat qilmasam, mahrum boʻlibman va ziyon koʻribman», dedilar. Shunda Umar: «Yo Rasululloh, turib mana shu munofiqni oʻldirmaymi?» dedi. U zot: «Maʼozalloh! Ummatlar Muhammad oʻz sahobalarini oʻldiradi, deb eshitishidan (Allohdan panoh)!» dedilar. Soʻng Nabiy ﷺ: «Albatta, bu (kishi) va uning hamrohlari Qurʼonni oʻqiydilar, (lekin u) ularning boʻgʻizlaridan oʻtmaydi. Ular oʻq nishondan teshib oʻtganidek, dindan chiqib ketadilar», dedilar. Muʼoz aytdi: Abu Zubayr menga dediki: «Men bu hadisni Zuhriyga taqdim etdim, u menga hech qarshilik qilmadi, faqat ‹an-nadiy› dedi. Men: ‹al-qidh› dedim. Shunda u: ‹Sen arab kishi emasmisan?› dedi».Жобир ибн Абдуллоҳ (розияллоҳу анҳумо)дан ривоят қилинади: Расулуллоҳ ﷺ Жиъронада Ҳавозин ўлжаларини одамлар орасида тақсимлаганларида, Бану Тамимдан бир киши туриб: «Эй Муҳаммад, адолат қил!» деди. У зот: «Шўринг қурсин! Агар мен адолат қилмасам, ким адолат қилади? Агар адолат қилмасам, маҳрум бўлибман ва зиён кўрибман», дедилар. Шунда Умар: «Ё Расулуллоҳ, туриб мана шу мунофиқни ўлдирмайми?» деди. У зот: «Маъозаллоҳ! Умматлар Муҳаммад ўз саҳобаларини ўлдиради, деб эшитишидан (Аллоҳдан паноҳ)!» дедилар. Сўнг Набий ﷺ: «Албатта, бу (киши) ва унинг ҳамроҳлари Қуръонни ўқийдилар, (лекин у) уларнинг бўғизларидан ўтмайди. Улар ўқ нишондан тешиб ўтганидек, диндан чиқиб кетадилар», дедилар. Муъоз айтди: Абу Зубайр менга дедики: «Мен бу ҳадисни Зуҳрийга тақдим этдим, у менга ҳеч қаршилик қилмади, фақат ‹ан-надий› деди. Мен: ‹ал-қидҳ› дедим. Шунда у: ‹Сен араб киши эмасмисан?› деди».