Ali (roziyallohu anhu)dan rivoyat qilinadi: Usmon (roziyallohu anhu)ning huzurida Validu ibn Uqbaning maʼy ichgani haqida guvohlik berildi. Ali Usmon bilan bu haqda gaplashdi. Usmon: «Mana amakingning oʻgʻli, sen uni savala», dedi. Ali: «Turgin, ey Hasan», dedi. Hasan: «Buning bilan sening nima ishing bor? Buni oʻzgaga topshir», dedi. Ali: «Yoʻq, aslida sen ojizlik qilib, boʻshashib, zaiflashding. Turgin, ey Abdulloh ibn Jaʼfar», dedi. U uni savaladi, Ali (roziyallohu anhu) esa sanab turdi. Qirqqa yetganda: «Bas, boʻldi», dedi-da: «Rasululloh ﷺ qirq darra, Abu Bakr ham qirq darra urgan, Umar esa uni saksonga yetkazgan. Bularning hammasi sunnat», dedi.Али (розияллоҳу анҳу)дан ривоят қилинади: Усмон (розияллоҳу анҳу)нинг ҳузурида Валиду ибн Уқбанинг маъй ичгани ҳақида гувоҳлик берилди. Али Усмон билан бу ҳақда гаплашди. Усмон: «Мана амакингнинг ўғли, сен уни савала», деди. Али: «Тургин, эй Ҳасан», деди. Ҳасан: «Бунинг билан сенинг нима ишинг бор? Буни ўзгага топшир», деди. Али: «Йўқ, аслида сен ожизлик қилиб, бўшашиб, заифлашдинг. Тургин, эй Абдуллоҳ ибн Жаъфар», деди. У уни савалади, Али (розияллоҳу анҳу) эса санаб турди. Қирққа етганда: «Бас, бўлди», деди-да: «Расулуллоҳ ﷺ қирқ дарра, Абу Бакр ҳам қирқ дарра урган, Умар эса уни саксонга етказган. Буларнинг ҳаммаси суннат», деди.