Ali (roziyallohu anhu)dan rivoyat qilinadi: Biz Makkadan chiqqanimizda, Hamzaning qizi bizga ergashib: «Ey amaki, ey amaki!» deb baqirdi. Men uni qoʻlidan ushlab, Fotima (roziyallohu anho)ga topshirdim va: «Amakingning qizini ol», dedim. Madinaga kelganimizda, men, Jaʼfar va Zayd ibn Horisa uning haqida talashib qoldik. Jaʼfar: «U amakimning qizi va uning xolasi mening nikohimda», dedi, yaʼni Asmo binti Umaysni. Zayd: «U mening akamning qizi», dedi. Men esa: «Uni men oldim va u mening amakimning qizi», dedim. Shunda Rasululloh ﷺ: «Ey Jaʼfar, sen esa mening yaratilishimga va xulqimga oʻxshaysan. Ey Ali, sen mendansan va men sendanman. Ey Zayd, sen bizning birodarimiz va mavlomizsan. Qiz esa xolasining oldida qolsin, chunki xola onadir», dedilar. Men: «Ey Rasululloh, unga uylanmaysizmi?» dedim. U zot: «U mening emishgan birodarimning qizidir», dedilar.Али (розияллоҳу анҳу)дан ривоят қилинади: Биз Маккадан чиққанимизда, Ҳамзанинг қизи бизга эргашиб: «Эй амаки, эй амаки!» деб бақирди. Мен уни қўлидан ушлаб, Фотима (розияллоҳу анҳо)га топширдим ва: «Амакингнинг қизини ол», дедим. Мадинага келганимизда, мен, Жаъфар ва Зайд ибн Ҳориса унинг ҳақида талашиб қолдик. Жаъфар: «У амакимнинг қизи ва унинг холаси менинг никоҳимда», деди, яъни Асмо бинти Умайсни. Зайд: «У менинг акамнинг қизи», деди. Мен эса: «Уни мен олдим ва у менинг амакимнинг қизи», дедим. Шунда Расулуллоҳ ﷺ: «Эй Жаъфар, сен эса менинг яратилишимга ва хулқимга ўхшайсан. Эй Али, сен мендансан ва мен сенданман. Эй Зайд, сен бизнинг биродаримиз ва мавломизсан. Қиз эса холасининг олдида қолсин, чунки хола онадир», дедилар. Мен: «Эй Расулуллоҳ, унга уйланмайсизми?» дедим. У зот: «У менинг эмишган биродаримнинг қизидир», дедилар.