Xabbob (roziyallohu anhu)dan rivoyat qilinadi: Biz Rasululloh ﷺ ning huzurlariga keldik, u zot Kaʼba soyasida ridolarini yostiq qilib yotgan edilar. Biz: «Yo Rasululloh, Alloh taboraka va taolodan biz uchun duo qiling, Undan nusrat soʻrang», dedik. Shunda u zotning rangi qizardi — yoki oʻzgardi — va: «Sizlardan avvalgilar orasida shunday kishi boʻlardiki, unga chuqur qazilar, arra keltirilib, boshiga qoʻyilar va u ikkiga boʻlinar edi, ammo bu uni dinidan qaytarmasdi. Temir taroqlar bilan uning suyagidan boʻlak goʻshti yoki paylari taralar edi, ammo bu ham uni dinidan qaytarmasdi. Alloh taboraka va taolo bu ishni albatta toʻla (gʻolib) qiladi, hatto bir otliq Sanʼodan Hazramavtgacha yurganda, Alloh taolodan va qoʻylariga (hujum qiladigan) boʻridan boʻlak hech narsadan qoʻrqmaydi. Lekin sizlar shoshayapsizlar», dedilar.Хаббоб (розияллоҳу анҳу)дан ривоят қилинади: Биз Расулуллоҳ ﷺ нинг ҳузурларига келдик, у зот Каъба соясида ридоларини ёстиқ қилиб ётган эдилар. Биз: «Ё Расулуллоҳ, Аллоҳ таборака ва таолодан биз учун дуо қилинг, Ундан нусрат сўранг», дедик. Шунда у зотнинг ранги қизарди — ёки ўзгарди — ва: «Сизлардан аввалгилар орасида шундай киши бўлардики, унга чуқур қазилар, арра келтирилиб, бошига қўйилар ва у иккига бўлинар эди, аммо бу уни динидан қайтармасди. Темир тароқлар билан унинг суягидан бўлак гўшти ёки пайлари таралар эди, аммо бу ҳам уни динидан қайтармасди. Аллоҳ таборака ва таоло бу ишни албатта тўла (ғолиб) қилади, ҳатто бир отлиқ Санъодан Ҳазрамавтгача юрганда, Аллоҳ таолодан ва қўйларига (ҳужум қиладиган) бўридан бўлак ҳеч нарсадан қўрқмайди. Лекин сизлар шошаяпсизлар», дедилар.