Xabbob (roziyallohu anhu)dan rivoyat qilinadi: Biz Rasululloh ﷺga shikoyat qildik, u zot oʻsha kuni Kaʼba soyasida ridolarini yostiq qilib yotgan edilar. Biz: «Biz uchun Alloh tabaroka va taolodan nusrat soʻramaysizmi?» — yoki: «Biz uchun nusrat soʻramaysizmi?» — dedik. U zot: «Sizlardan oldingilar orasidan bir kishi ushlanar, uning uchun yerda chuqur qazilar, soʻng arra keltirilib boshiga qoʻyilar va u ikkiga boʻlinar edi, ammo bu uni dinidan qaytarmas edi. Suyagidan boshqa goʻshti va paylari temir taroqlar bilan taralar edi, ammo bu ham uni qaytarmas edi. Allohga qasamki, Alloh azza va jalla, albatta, bu ishni toʻkis qiladi, hatto otliq Madinadan Hazramavtgacha Alloh taolodan hamda qoʻylariga (hujum qiladigan) boʻridan boshqa hech narsadan qoʻrqmay yuradi. Lekin sizlar shoshilyapsizlar», dedilar.Хаббоб (розияллоҳу анҳу)дан ривоят қилинади: Биз Расулуллоҳ ﷺга шикоят қилдик, у зот ўша куни Каъба соясида ридоларини ёстиқ қилиб ётган эдилар. Биз: «Биз учун Аллоҳ табарока ва таолодан нусрат сўрамайсизми?» — ёки: «Биз учун нусрат сўрамайсизми?» — дедик. У зот: «Сизлардан олдингилар орасидан бир киши ушланар, унинг учун ерда чуқур қазилар, сўнг арра келтирилиб бошига қўйилар ва у иккига бўлинар эди, аммо бу уни динидан қайтармас эди. Суягидан бошқа гўшти ва пайлари темир тароқлар билан таралар эди, аммо бу ҳам уни қайтармас эди. Аллоҳга қасамки, Аллоҳ азза ва жалла, албатта, бу ишни тўкис қилади, ҳатто отлиқ Мадинадан Ҳазрамавтгача Аллоҳ таолодан ҳамда қўйларига (ҳужум қиладиган) бўридан бошқа ҳеч нарсадан қўрқмай юради. Лекин сизлар шошиляпсизлар», дедилар.