(Xabbob) aytdi: Biz Rasululloh ﷺga shikoyat qildik, u zot Kaʼba soyasida ridolarini yostiq qilib yotgan edilar. Biz: «Yo Rasululloh, biz uchun Alloh taolodan nusrat soʻramaysizmi?» dedik. Shunda u zot yuzlari qizargan holda oʻtirdilar va: «Allohga qasamki, sizlardan oldingi (kishi) tutib olinar, boshiga arralar qoʻyilib, ikki boʻlakka boʻlinar edi, ammo bu uni dinidan qaytarmas edi. Alloh tabaroka va taolo, albatta, bu ishni toʻkis qiladi, hatto otliq Sanʼo bilan Hazramavt orasida Alloh tabaroka va taolodan hamda qoʻylariga (hujum qiladigan) boʻridan boshqa hech narsadan qoʻrqmay yuradi», dedilar. Muhammad ibn Yazid, Ismoildan shu maʼnoda rivoyat qildi; faqat u: «dunyo ularga hech narsani kamaytirmadi» dedi va: «suyagidan boshqa goʻshti va paylari temir taroqlar bilan taralar, ammo hech narsa uni dinidan qaytarmas edi», dedi.(Хаббоб) айтди: Биз Расулуллоҳ ﷺга шикоят қилдик, у зот Каъба соясида ридоларини ёстиқ қилиб ётган эдилар. Биз: «Ё Расулуллоҳ, биз учун Аллоҳ таолодан нусрат сўрамайсизми?» дедик. Шунда у зот юзлари қизарган ҳолда ўтирдилар ва: «Аллоҳга қасамки, сизлардан олдинги (киши) тутиб олинар, бошига арралар қўйилиб, икки бўлакка бўлинар эди, аммо бу уни динидан қайтармас эди. Аллоҳ табарока ва таоло, албатта, бу ишни тўкис қилади, ҳатто отлиқ Санъо билан Ҳазрамавт орасида Аллоҳ табарока ва таолодан ҳамда қўйларига (ҳужум қиладиган) бўридан бошқа ҳеч нарсадан қўрқмай юради», дедилар. Муҳаммад ибн Язид, Исмоилдан шу маънода ривоят қилди; фақат у: «дунё уларга ҳеч нарсани камайтирмади» деди ва: «суягидан бошқа гўшти ва пайлари темир тароқлар билан таралар, аммо ҳеч нарса уни динидан қайтармас эди», деди.