Oisha (roziyallohu anho) rivoyat qilishicha, Rasululloh ﷺ Hassonning Foriʼ qalʼasi soyasida oʻtirgan chogʻlarida, huzurlariga bir kishi kelib: «Kuyib ketdim, yo Rasululloh!» — dedi. (U zot): «Senga nima boʻldi?» — dedilar. U: «Men roʻzador holimda ayolimga yaqinlik qildim», — dedi. (Oisha) aytdi: Bu ramazonda edi. Rasululloh ﷺ unga: «Oʻtir», — dedilar, u esa qavmning bir chetiga oʻtirdi. Shu payt bir kishi eshak minib keldi, uning ustida xurmo solingan qop bor edi. U: «Yo Rasululloh, bu mening sadaqam», — dedi. Rasululloh ﷺ: «Hozirgina kuyib ketdim, degan (kishi) qani?» — dedilar. U: «Mana men, yo Rasululloh», — dedi. (U zot): «Buni ol va sadaqa qil», — dedilar. U: «Yo Rasululloh, mendan va menikidan boshqa kimga sadaqa (beray)? Sizni haq bilan yuborgan Zotga qasamki, men ham, oilam ham hech narsa topmaymiz», — dedi. (U zot): «Bas, uni ol», — dedilar, u ham uni oldi.Оиша (розияллоҳу анҳо) ривоят қилишича, Расулуллоҳ ﷺ Ҳассоннинг Фориъ қалъаси соясида ўтирган чоғларида, ҳузурларига бир киши келиб: «Куйиб кетдим, ё Расулуллоҳ!» — деди. (У зот): «Сенга нима бўлди?» — дедилар. У: «Мен рўзадор ҳолимда аёлимга яқинлик қилдим», — деди. (Оиша) айтди: Бу рамазонда эди. Расулуллоҳ ﷺ унга: «Ўтир», — дедилар, у эса қавмнинг бир четига ўтирди. Шу пайт бир киши эшак миниб келди, унинг устида хурмо солинган қоп бор эди. У: «Ё Расулуллоҳ, бу менинг садақам», — деди. Расулуллоҳ ﷺ: «Ҳозиргина куйиб кетдим, деган (киши) қани?» — дедилар. У: «Мана мен, ё Расулуллоҳ», — деди. (У зот): «Буни ол ва садақа қил», — дедилар. У: «Ё Расулуллоҳ, мендан ва меникидан бошқа кимга садақа (берай)? Сизни ҳақ билан юборган Зотга қасамки, мен ҳам, оилам ҳам ҳеч нарса топмаймиз», — деди. (У зот): «Бас, уни ол», — дедилар, у ҳам уни олди.