Ummu Salama (roziyallohu anho)dan rivoyat qilinadiki, Ummu Habiba: «Ey Allohning Rasuli, singlim — Abu Sufyonning qiziga ragʻbatingiz bormi?» dedi. U zot: «Nima qilay?» dedilar. U: «Unga uylansangiz», dedi. U zot: «Buni yoqtirasanmi?» dedilar. U: «Ha, men sizga yolgʻiz xotin emasman; shu yaxshilikda menga sherik boʻladiganlarning eng suyuklisi singlim boʻlishini istayman», dedi. U zot: «Albatta, u menga halol emas», dedilar. Men: «Menga sizning Abu Salamaning qizi Durrani xostgorlik qilayotganingiz xabari yetgan edi», dedim. U zot: «Ummu Salamaning qizinimi?» dedilar. U: «Ha», dedi. U zot: «Vallohi, agar u mening tarbiyamdagi oʻgay qizim boʻlmaganida ham, menga halol boʻlmas edi. Chunki u mening sut akamning qizidir; meni ham, uning otasini ham Suvayba emizgan. Bas, menga qizlaringizni ham, singillaringizni ham taklif qilmanglar», dedilar.Умму Салама (розияллоҳу анҳо)дан ривоят қилинадики, Умму Ҳабиба: «Эй Аллоҳнинг Расули, синглим — Абу Суфённинг қизига рағбатингиз борми?» деди. У зот: «Нима қилай?» дедилар. У: «Унга уйлансангиз», деди. У зот: «Буни ёқтирасанми?» дедилар. У: «Ҳа, мен сизга ёлғиз хотин эмасман; шу яхшиликда менга шерик бўладиганларнинг энг суюклиси синглим бўлишини истайман», деди. У зот: «Албатта, у менга ҳалол эмас», дедилар. Мен: «Менга сизнинг Абу Саламанинг қизи Дуррани хостгорлик қилаётганингиз хабари етган эди», дедим. У зот: «Умму Саламанинг қизиними?» дедилар. У: «Ҳа», деди. У зот: «Валлоҳи, агар у менинг тарбиямдаги ўгай қизим бўлмаганида ҳам, менга ҳалол бўлмас эди. Чунки у менинг сут акамнинг қизидир; мени ҳам, унинг отасини ҳам Сувайба эмизган. Бас, менга қизларингизни ҳам, сингилларингизни ҳам таклиф қилманглар», дедилар.