Abdulloh ibn Amr (roziyallohu anhumo)dan rivoyat qilinadi: Rasululloh ﷺ oʻz soʻnggi hajida (Minoda jamarot yonida bir oz) toʻxtadilar va odamlar u zotga savol bera boshladi. Bir kishi: «Men bilmasdan (Hadiyni) soʻyishdan oldin boshimni oldirdim», — dedi. Paygʻambar ﷺ: «(Endi) soʻy, unda hech zarar yoʻq», — dedilar. Boshqa bir kishi: «Men bilmasdan Hadiyni ramydan oldin soʻydim», — dedi. Paygʻambar ﷺ: «(Endi) ramy qil, unda hech zarar yoʻq», — dedilar. Bas, oʻsha kuni Paygʻambar ﷺ dan (hajning marosimlaridan) biror narsa — belgilangan vaqtdan oldin yoki keyin qilingan boʻlsa — soʻralganda, u zot: «(Endi) qil, unda hech zarar yoʻq», — deb javob berdilar.Абдуллоҳ ибн Амр (розияллоҳу анҳумо)дан ривоят қилинади: Расулуллоҳ ﷺ ўз сўнгги ҳажида (Минода жамарот ёнида бир оз) тўхтадилар ва одамлар у зотга савол бера бошлади. Бир киши: «Мен билмасдан (Ҳадийни) сўйишдан олдин бошимни олдирдим», — деди. Пайғамбар ﷺ: «(Энди) сўй, унда ҳеч зарар йўқ», — дедилар. Бошқа бир киши: «Мен билмасдан Ҳадийни рамйдан олдин сўйдим», — деди. Пайғамбар ﷺ: «(Энди) рамй қил, унда ҳеч зарар йўқ», — дедилар. Бас, ўша куни Пайғамбар ﷺ дан (ҳажнинг маросимларидан) бирор нарса — белгиланган вақтдан олдин ёки кейин қилинган бўлса — сўралганда, у зот: «(Энди) қил, унда ҳеч зарар йўқ», — деб жавоб бердилар.