Oisha (roziyallohu anho)dan rivoyat qilinadi: Saʼd ibn Abu Vaqqos va Abd ibn Zamʼa bir bola haqida janjallashdi. Saʼd: «Yo Rasululloh, bu bola — mening birodarim (Utba ibn Abu Vaqqos)ning oʻgʻli; u mendan — uni (oʻz qaramogʻimga) olishimga — vaʼda olgan edi, chunki u (Utba)ning (zinodan boʻlgan) oʻgʻli edi. Unga qarang va kimga oʻxshashini koʻring», — dedi. Abd ibn Zamʼa: «Yo Rasululloh, bu — mening birodarim; u otamning toʻshagida, uning choriyasi (kanizi)dan tugʻildi», — dedi. Allohning Rasuli ﷺ bolaga bir qarab, uning Utbaga aniq oʻxshashini koʻrdi, soʻng: «Bola — sen uchun(dir), ey Abd ibn Zamʼa. Bola — toʻshak (egasi)ga (tegishli) va zinokor uchun — tosh (yaʼni noumidlik)dan boshqa (hech narsa) yoʻq», — dedilar. Soʻng Paygʻambar ﷺ: «Ey Savda bint Zamʼa! Bu boladan (yuzini) toʻsib yur», — dedilar. Bas, Savda uni boshqa hech qachon koʻrmadi.Оиша (розияллоҳу анҳо)дан ривоят қилинади: Саъд ибн Абу Ваққос ва Абд ибн Замъа бир бола ҳақида жанжаллашди. Саъд: «Ё Расулуллоҳ, бу бола — менинг биродарим (Утба ибн Абу Ваққос)нинг ўғли; у мендан — уни (ўз қарамоғимга) олишимга — ваъда олган эди, чунки у (Утба)нинг (зинодан бўлган) ўғли эди. Унга қаранг ва кимга ўхшашини кўринг», — деди. Абд ибн Замъа: «Ё Расулуллоҳ, бу — менинг биродарим; у отамнинг тўшагида, унинг чорияси (канизи)дан туғилди», — деди. Аллоҳнинг Расули ﷺ болага бир қараб, унинг Утбага аниқ ўхшашини кўрди, сўнг: «Бола — сен учун(дир), эй Абд ибн Замъа. Бола — тўшак (эгаси)га (тегишли) ва зинокор учун — тош (яъни ноумидлик)дан бошқа (ҳеч нарса) йўқ», — дедилар. Сўнг Пайғамбар ﷺ: «Эй Савда бинт Замъа! Бу боладан (юзини) тўсиб юр», — дедилар. Бас, Савда уни бошқа ҳеч қачон кўрмади.