حَدَّثَنَا أَحْمَدُ بْنُ عُثْمَانَ بْنِ حَكِيمٍ، حَدَّثَنَا شُرَيْحُ بْنُ مَسْلَمَةَ، حَدَّثَنَا إِبْرَاهِيمُ بْنُ يُوسُفَ بْنِ أَبِي إِسْحَاقَ، قَالَ حَدَّثَنِي أَبِي، عَنْ أَبِي إِسْحَاقَ، قَالَ حَدَّثَنِي الْبَرَاءُ ـ رضى الله عنه أَنَّ النَّبِيَّ صلى الله عليه وسلم لَمَّا أَرَادَ أَنْ يَعْتَمِرَ أَرْسَلَ إِلَى أَهْلِ مَكَّةَ يَسْتَأْذِنُهُمْ لِيَدْخُلَ مَكَّةَ، فَاشْتَرَطُوا عَلَيْهِ أَنْ لاَ يُقِيمَ بِهَا إِلاَّ ثَلاَثَ لَيَالٍ، وَلاَ يَدْخُلَهَا إِلاَّ بِجُلُبَّانِ السِّلاَحِ، وَلاَ يَدْعُوَ مِنْهُمْ أَحَدًا، قَالَ فَأَخَذَ يَكْتُبُ الشَّرْطَ بَيْنَهُمْ عَلِيُّ بْنُ أَبِي طَالِبٍ، فَكَتَبَ هَذَا مَا قَاضَى عَلَيْهِ مُحَمَّدٌ رَسُولُ اللَّهِ. فَقَالُوا لَوْ عَلِمْنَا أَنَّكَ رَسُولُ اللَّهِ لَمْ نَمْنَعْكَ وَلَبَايَعْنَاكَ، وَلَكِنِ اكْتُبْ هَذَا مَا قَاضَى عَلَيْهِ مُحَمَّدُ بْنُ عَبْدِ اللَّهِ. فَقَالَ " أَنَا وَاللَّهِ مُحَمَّدُ بْنُ عَبْدِ اللَّهِ وَأَنَا وَاللَّهِ رَسُولُ اللَّهِ ". قَالَ وَكَانَ لاَ يَكْتُبُ قَالَ فَقَالَ لِعَلِيٍّ " امْحُ رَسُولَ اللَّهِ ". فَقَالَ عَلِيٌّ وَاللَّهِ لاَ أَمْحَاهُ أَبَدًا. قَالَ " فَأَرِنِيهِ ". قَالَ فَأَرَاهُ إِيَّاهُ، فَمَحَاهُ النَّبِيُّ صلى الله عليه وسلم بِيَدِهِ، فَلَمَّا دَخَلَ وَمَضَى الأَيَّامُ أَتَوْا عَلِيًّا فَقَالُوا مُرْ صَاحِبَكَ فَلْيَرْتَحِلْ. فَذَكَرَ ذَلِكَ لِرَسُولِ اللَّهِ صلى الله عليه وسلم فَقَالَ " نَعَمْ " ثُمَّ ارْتَحَلَ.
Baro (roziyallohu anhumo)dan rivoyat qilinadi: Paygʻambar ﷺ umra qilishni niyat qilganda, u zot Makka ahliga — Makkaga kirishga ruxsat soʻrab — bir kishi yubordi. Ular — u zot u yerda uch kundan ortiq qolmasligi, faqat qiniga solingan qurollar bilan kirishi va ularning hech biriga (Islomni) targʻib qilmasligi — shartini qoʻydi. Bas, Ali ibn Abu Tolib ular orasidagi shartnomani yoza boshladi. U: «Bu — Allohning Rasuli Muhammad rozi boʻlgan (narsa)», — deb yozdi. (Makkaliklar): «Agar biz sening (Muhammad) Allohning Rasuli ekaningni bilganimizda, biz seni toʻsmas va senga ergashgan boʻlardik. Lekin: ‹Bu — Abdullohning oʻgʻli Muhammad rozi boʻlgan (narsa)›, — deb yoz», — dedi. Shunda Allohning Rasuli ﷺ: «Allohga qasamki, men — Abdullohning oʻgʻli Muhammadman; va Allohga qasamki, men — Allohning Rasuliman», — dedi. Allohning Rasuli ﷺ yoza olmasdi; shuning uchun u zot Alidan ‹Allohning Rasuli› (degan) iborani oʻchirishni soʻradi. Shunda Ali: «Allohga qasamki, men uni hech qachon oʻchirmayman», — dedi. Allohning Rasuli ﷺ (Aliga): «Menga qogʻozni koʻrsat», — dedi. Ali u zotga qogʻozni koʻrsatganda, Paygʻambar ﷺ oʻsha iborani oʻz qoʻli bilan oʻchirdi. Allohning Rasuli ﷺ Makkaga kirib, uch kun oʻtganda, makkaliklar Alining oldiga kelib: «Doʻstingga (yaʼni Paygʻambarga) ayt, Makkani tark etsin», — dedi. Ali bu haqda Allohning Rasuli ﷺ ga xabar berdi va Allohning Rasuli ﷺ: «Ha», — dedi, soʻng (Makkadan) joʻnab ketdi.Баро (розияллоҳу анҳумо)дан ривоят қилинади: Пайғамбар ﷺ умра қилишни ният қилганда, у зот Макка аҳлига — Маккага киришга рухсат сўраб — бир киши юборди. Улар — у зот у ерда уч кундан ортиқ қолмаслиги, фақат қинига солинган қуроллар билан кириши ва уларнинг ҳеч бирига (Исломни) тарғиб қилмаслиги — шартини қўйди. Бас, Али ибн Абу Толиб улар орасидаги шартномани ёза бошлади. У: «Бу — Аллоҳнинг Расули Муҳаммад рози бўлган (нарса)», — деб ёзди. (Маккаликлар): «Агар биз сенинг (Муҳаммад) Аллоҳнинг Расули эканингни билганимизда, биз сени тўсмас ва сенга эргашган бўлардик. Лекин: ‹Бу — Абдуллоҳнинг ўғли Муҳаммад рози бўлган (нарса)›, — деб ёз», — деди. Шунда Аллоҳнинг Расули ﷺ: «Аллоҳга қасамки, мен — Абдуллоҳнинг ўғли Муҳаммадман; ва Аллоҳга қасамки, мен — Аллоҳнинг Расулиман», — деди. Аллоҳнинг Расули ﷺ ёза олмасди; шунинг учун у зот Алидан ‹Аллоҳнинг Расули› (деган) иборани ўчиришни сўради. Шунда Али: «Аллоҳга қасамки, мен уни ҳеч қачон ўчирмайман», — деди. Аллоҳнинг Расули ﷺ (Алига): «Менга қоғозни кўрсат», — деди. Али у зотга қоғозни кўрсатганда, Пайғамбар ﷺ ўша иборани ўз қўли билан ўчирди. Аллоҳнинг Расули ﷺ Маккага кириб, уч кун ўтганда, маккаликлар Алининг олдига келиб: «Дўстингга (яъни Пайғамбарга) айт, Маккани тарк эцин», — деди. Али бу ҳақда Аллоҳнинг Расули ﷺ га хабар берди ва Аллоҳнинг Расули ﷺ: «Ҳа», — деди, сўнг (Маккадан) жўнаб кетди.