Safvon ibn Yaʼlo ibn Umayya rivoyat qiladiki, Yaʼlo ibn Umayya Umarga: «Koshki men Nabiy ﷺga vahiy tushayotgan paytda u zotni koʻrsam», degan edi. Jiʼronada boʻlganlarida, u zotning ustlariga kiyim bilan soya qilingan, u zot bilan birga ashoblaridan bir necha kishi bor edi. (Roviy) dedi: Shunda u zotning oldilariga atirga belangan bir kishi kelib: «Yo Rasululloh, atirga belangandan keyin jubbada ehromga kirgan kishi haqida nima deysiz?» dedi. (Roviy) dedi: U zot unga bir muddat qaradilar, soʻng u zotga vahiy tushdi. Umar Yaʼloga: «Kel», deb odam yubordi, u kelib boshini (kiyim ostiga) kiritdi — u zotning yuzlari qip-qizil edi, shu holda bir muddat (turdilar), soʻng u zotdan (vahiy holati) koʻtarildi. Keyin u zot: «Hozirgina mendan umra haqida soʻragan kishi qani?» dedilar. Oʻsha kishi izlab topildi, Nabiy ﷺ unga buyurib: «Ustingdagi atirga kelsak, uni uch marta yuv; jubbaga kelsak, uni yech; soʻng umrangda hajingda qiladigan ishingni qil», dedilar.Сафвон ибн Яъло ибн Умайя ривоят қиладики, Яъло ибн Умайя Умарга: «Кошки мен Набий ﷺга ваҳий тушаётган пайтда у зотни кўрсам», деган эди. Жиъронада бўлганларида, у зотнинг устларига кийим билан соя қилинган, у зот билан бирга ашобларидан бир неча киши бор эди. (Ровий) деди: Шунда у зотнинг олдиларига атирга беланган бир киши келиб: «Ё Расулуллоҳ, атирга белангандан кейин жуббада эҳромга кирган киши ҳақида нима дейсиз?» деди. (Ровий) деди: У зот унга бир муддат қарадилар, сўнг у зотга ваҳий тушди. Умар Яълога: «Кел», деб одам юборди, у келиб бошини (кийим остига) киритди — у зотнинг юзлари қип-қизил эди, шу ҳолда бир муддат (турдилар), сўнг у зотдан (ваҳий ҳолати) кўтарилди. Кейин у зот: «Ҳозиргина мендан умра ҳақида сўраган киши қани?» дедилар. Ўша киши излаб топилди, Набий ﷺ унга буюриб: «Устингдаги атирга келсак, уни уч марта юв; жуббага келсак, уни еч; сўнг умрангда ҳажингда қиладиган ишингни қил», дедилар.