Rofiʼ ibn Xadij (roziyallohu anhu)dan rivoyat qilinadi: Biz Rasululloh ﷺ bilan Tihomadagi Zulhulayfada edik. Odamlar tuya va qoʻylarni oʻlja qilib olishdi, Rasululloh ﷺ esa qavmning orqasida edilar. Ularning oldingilari shoshib, hayvonlarni soʻyib, qozonlarni oʻtga qoʻyishdi. Rasululloh ﷺ yetib kelib, qozonlarni agʻdarishga buyurdilar, shunda ular agʻdarildi. Soʻng ular oʻrtasida oʻljani taqsimladilar va oʻnta qoʻyni bir tuyaga baravar qildilar. Shu holatda ekan, bir tuya qochib qoldi, qavmda esa oz miqdordagi otlardan boshqa narsa yoʻq edi. Ular tuyani quvishdi, ammo u ularni horitib qoʻydi. Bir kishi unga oʻq otdi, Alloh esa uni toʻxtatib qoʻydi. Shunda Rasululloh ﷺ: «Bu hayvonlarning ham yovvoyi hayvonlar kabi qochib ketadiganlari boʻladi. Ulardan sizga boʻysunmaganini ana shunday qilinglar», dedilar.Рофиъ ибн Хадиж (розияллоҳу анҳу)дан ривоят қилинади: Биз Расулуллоҳ ﷺ билан Тиҳомадаги Зулҳулайфада эдик. Одамлар туя ва қўйларни ўлжа қилиб олишди, Расулуллоҳ ﷺ эса қавмнинг орқасида эдилар. Уларнинг олдингилари шошиб, ҳайвонларни сўйиб, қозонларни ўтга қўйишди. Расулуллоҳ ﷺ етиб келиб, қозонларни ағдаришга буюрдилар, шунда улар ағдарилди. Сўнг улар ўртасида ўлжани тақсимладилар ва ўнта қўйни бир туяга баравар қилдилар. Шу ҳолатда экан, бир туя қочиб қолди, қавмда эса оз миқдордаги отлардан бошқа нарса йўқ эди. Улар туяни қувишди, аммо у уларни ҳоритиб қўйди. Бир киши унга ўқ отди, Аллоҳ эса уни тўхтатиб қўйди. Шунда Расулуллоҳ ﷺ: «Бу ҳайвонларнинг ҳам ёввойи ҳайвонлар каби қочиб кетадиганлари бўлади. Улардан сизга бўйсунмаганини ана шундай қилинглар», дедилар.