Zayd ibn Arqam (roziyallohu anhu)dan rivoyat qilinadi: Biz Rasululloh ﷺning orqalarida namozda gaplashardik; bizdan kishi yonidagi hamrohiga gapirardi, toki {Va Alloh uchun itoatda turinglar} (Baqara 238) (oyati) nozil boʻlguncha. Shunda biz jim turishga buyurildik va gapirishdan qaytarildik. (Abu Iso) aytdi: Bu bobda Ibn Masʼud va Muoviya ibn al-Hakamdan ham (rivoyatlar) bor. Abu Iso aytdi: Zayd ibn Arqamning hadisi hasan sahih hadisdir. Koʻpchilik ilm ahli nazdida amal shunga koʻradir. Ular: Kishi namozda atayin yoki unutib gapirib qoʻysa, namozni qaytadan oʻqiydi, dedilar. Bu Sufyon as-Savriy, Ibn al-Muborak va Kufa ahlining soʻzidir. Baʼzilari esa: Atayin gapirsa namozni qaytaradi, agar unutib yoki bilmasdan qilgan boʻlsa, kifoya qiladi, dedilar. Shofeiy ham shuni aytadi.Зайд ибн Арқам (розияллоҳу анҳу)дан ривоят қилинади: Биз Расулуллоҳ ﷺнинг орқаларида намозда гаплашардик; биздан киши ёнидаги ҳамроҳига гапирарди, токи {Ва Аллоҳ учун итоатда туринглар} (Бақара 238) (ояти) нозил бўлгунча. Шунда биз жим туришга буюрилдик ва гапиришдан қайтарилдик. (Абу Исо) айтди: Бу бобда Ибн Масъуд ва Муовия ибн ал-Ҳакамдан ҳам (ривоятлар) бор. Абу Исо айтди: Зайд ибн Арқамнинг ҳадиси ҳасан саҳиҳ ҳадисдир. Кўпчилик илм аҳли наздида амал шунга кўрадир. Улар: Киши намозда атайин ёки унутиб гапириб қўйса, намозни қайтадан ўқийди, дедилар. Бу Суфён ас-Саврий, Ибн ал-Муборак ва Куфа аҳлининг сўзидир. Баъзилари эса: Атайин гапирса намозни қайтаради, агар унутиб ёки билмасдан қилган бўлса, кифоя қилади, дедилар. Шофеий ҳам шуни айтади.