حَدَّثَنَا عَبْدُ بْنُ حُمَيْدٍ، حَدَّثَنَا يَعْقُوبُ بْنُ إِبْرَاهِيمَ بْنِ سَعْدٍ، عَنْ أَبِيهِ، عَنْ صَالِحِ بْنِ كَيْسَانَ، عَنِ ابْنِ شِهَابٍ، حَدَّثَنِي سَهْلُ بْنُ سَعْدٍ، قَالَ رَأَيْتُ مَرْوَانَ بْنَ الْحَكَمِ جَالِسًا فِي الْمَسْجِدِ فَأَقْبَلْتُ حَتَّى جَلَسْتُ إِلَى جَنْبِهِ فَأَخْبَرَنَا أَنَّ زَيْدَ بْنَ ثَابِتٍ أَخْبَرَهُ أَنَّ النَّبِيَّ صلى الله عليه وسلم أَمْلَى عَلَيْهِ لاَ يَسْتَوِي الْقَاعِدُونَ مِنَ الْمُؤْمِنِينَ وَالْمُجَاهِدُونَ فِي سَبِيلِ اللَّهِ قَالَ فَجَاءَهُ ابْنُ أُمِّ مَكْتُومٍ وَهُوَ يُمْلِيهَا عَلَىَّ فَقَالَ يَا رَسُولَ اللَّهِ وَاللَّهِ لَوْ أَسْتَطِيعُ الْجِهَادَ لَجَاهَدْتُ وَكَانَ رَجُلاً أَعْمَى . فَأَنْزَلَ اللَّهُ عَلَى رَسُولِهِ صلى الله عليه وسلم وَفَخِذُهُ عَلَى فَخِذِي فَثَقُلَتْ حَتَّى هَمَّتْ تَرُضُّ فَخِذِي ثُمَّ سُرِّيَ عَنْهُ فَأَنْزَلَ اللَّهُ عَلَيْهِ : ( غَيْرُ أُولِي الضَّرَرِ ) . قَالَ أَبُو عِيسَى هَذَا حَدِيثٌ حَسَنٌ صَحِيحٌ . هَكَذَا رَوَى غَيْرُ وَاحِدٍ عَنِ الزُّهْرِيِّ عَنْ سَهْلِ بْنِ سَعْدٍ نَحْوَ هَذَا . وَرَوَى مَعْمَرٌ عَنِ الزُّهْرِيِّ هَذَا الْحَدِيثَ عَنْ قَبِيصَةَ بْنِ ذُؤَيْبٍ عَنْ زَيْدِ بْنِ ثَابِتٍ . وَفِي هَذَا الْحَدِيثِ رِوَايَةُ رَجُلٍ مِنْ أَصْحَابِ النَّبِيِّ صلى الله عليه وسلم عَنْ رَجُلٍ مِنَ التَّابِعِينَ رَوَاهُ سَهْلُ بْنُ سَعْدٍ الأَنْصَارِيُّ عَنْ مَرْوَانَ بْنِ الْحَكَمِ وَمَرْوَانُ لَمْ يَسْمَعْ مِنَ النَّبِيِّ صلى الله عليه وسلم وَهُوَ مِنَ التَّابِعِينَ .
Sahl ibn Saʼd (roziyallohu anhu)dan rivoyat qilinadi: Men Marvon ibn Hakamni masjidda oʻtirgan holida koʻrdim. Yaqinlashib, uning yoniga oʻtirdim. U bizga Zayd ibn Sobit oʻziga xabar berganini soʻzlab berdi: Nabiy ﷺ unga {Moʻminlardan (uzrsiz) oʻtirib qoluvchilar bilan Alloh yoʻlida jihod qiluvchilar barobar boʻlmaslar} (oyatini) yozdirardilar. U (Zayd) dedi: U zot menga buni yozdirib turgan paytlarida Ibn Ummi Maktum keldi va: «Yo Rasululloh, Allohga qasamki, agar jihodga kuchim yetganida albatta jihod qilardim», dedi. U koʻzi ojiz kishi edi. Shunda Alloh Oʻz Rasuliga ﷺ vahiy nozil qildi va u zotning soni mening sonim ustida edi. (Vahiy ogʻirligidan) soni shu qadar ogʻirlashdiki, mening sonimni ezib yuborayozdi. Soʻng u holat u zotdan koʻtarildi va Alloh u zotga {uzr egalaridan boshqalar} (degan qoʻshimchani) nozil qildi. Abu Iso aytdi: Bu hadis hasan sahihdir. Shu tariqa az-Zuhriydan, u Sahl ibn Saʼddan koʻp rovilar shunga oʻxshash rivoyat qilganlar. Maʼmar esa az-Zuhriydan, u Qabisa ibn Zuayb orqali, u Zayd ibn Sobitdan bu hadisni rivoyat qilgan. Bu hadisda Nabiy ﷺ ashoblaridan boʻlgan bir kishining tobeʼinlardan boʻlgan bir kishidan rivoyati bordir: uni Sahl ibn Saʼd al-Ansoriy Marvon ibn Hakamdan rivoyat qilgan, Marvon esa Nabiy ﷺdan eshitmagan va u tobeʼinlardandir.Саҳл ибн Саъд (розияллоҳу анҳу)дан ривоят қилинади: Мен Марвон ибн Ҳакамни масжидда ўтирган ҳолида кўрдим. Яқинлашиб, унинг ёнига ўтирдим. У бизга Зайд ибн Собит ўзига хабар берганини сўзлаб берди: Набий ﷺ унга {Мўминлардан (узрсиз) ўтириб қолувчилар билан Аллоҳ йўлида жиҳод қилувчилар баробар бўлмаслар} (оятини) ёздирардилар. У (Зайд) деди: У зот менга буни ёздириб турган пайтларида Ибн Умми Мактум келди ва: «Ё Расулуллоҳ, Аллоҳга қасамки, агар жиҳодга кучим етганида албатта жиҳод қилардим», деди. У кўзи ожиз киши эди. Шунда Аллоҳ Ўз Расулига ﷺ ваҳий нозил қилди ва у зотнинг сони менинг соним устида эди. (Ваҳий оғирлигидан) сони шу қадар оғирлашдики, менинг сонимни эзиб юбораёзди. Сўнг у ҳолат у зотдан кўтарилди ва Аллоҳ у зотга {узр эгаларидан бошқалар} (деган қўшимчани) нозил қилди. Абу Исо айтди: Бу ҳадис ҳасан саҳиҳдир. Шу тариқа аз-Зуҳрийдан, у Саҳл ибн Саъддан кўп ровилар шунга ўхшаш ривоят қилганлар. Маъмар эса аз-Зуҳрийдан, у Қабиса ибн Зуайб орқали, у Зайд ибн Собитдан бу ҳадисни ривоят қилган. Бу ҳадисда Набий ﷺ ашобларидан бўлган бир кишининг тобеъинлардан бўлган бир кишидан ривояти бордир: уни Саҳл ибн Саъд ал-Ансорий Марвон ибн Ҳакамдан ривоят қилган, Марвон эса Набий ﷺдан эшитмаган ва у тобеъинлардандир.