Oisha (roziyallohu anho)dan rivoyat qilinadi: U aytdiki, {Eng yaqin qarindoshlaringni ogohlantir} oyati nozil boʻlganida, Rasululloh ﷺ: «Ey Safiyya binti Abdulmuttalib! Ey Fotima binti Muhammad! Ey Abdulmuttalib oʻgʻillari! Men sizlar uchun Alloh huzurida hech narsaga (yaʼni Allohning azobini daf etishga) ega emasman. Molimdan xohlaganingizni mendan soʻranglar», dedilar. (Shuaro 214). Abu Iso aytdi: Bu hadis hasan sahihdir. Vakiʼ va boshqa birmuncha (rovilar) bu hadisni Hishom ibn Urvadan, u otasidan, u Oishadan Muhammad ibn Abdurrahmon at-Tufoviyning hadisiga oʻxshash rivoyat qilganlar. Baʼzilari uni Hishom ibn Urvadan, u otasidan, u Nabiy ﷺdan mursal qilib rivoyat qilgan va unda Oishani zikr qilmagan. Bu bobda Ali va Ibn Abbosdan (ham rivoyat) bor.Оиша (розияллоҳу анҳо)дан ривоят қилинади: У айтдики, {Энг яқин қариндошларингни огоҳлантир} ояти нозил бўлганида, Расулуллоҳ ﷺ: «Эй Сафийя бинти Абдулмутталиб! Эй Фотима бинти Муҳаммад! Эй Абдулмутталиб ўғиллари! Мен сизлар учун Аллоҳ ҳузурида ҳеч нарсага (яъни Аллоҳнинг азобини даф этишга) эга эмасман. Молимдан хоҳлаганингизни мендан сўранглар», дедилар. (Шуаро 214). Абу Исо айтди: Бу ҳадис ҳасан саҳиҳдир. Вакиъ ва бошқа бирмунча (ровилар) бу ҳадисни Ҳишом ибн Урвадан, у отасидан, у Оишадан Муҳаммад ибн Абдурраҳмон ат-Туфовийнинг ҳадисига ўхшаш ривоят қилганлар. Баъзилари уни Ҳишом ибн Урвадан, у отасидан, у Набий ﷺдан мурсал қилиб ривоят қилган ва унда Оишани зикр қилмаган. Бу бобда Али ва Ибн Аббосдан (ҳам ривоят) бор.