Oisha (roziyallohu anho)dan rivoyat qilinadi: Rasululloh ﷺ hajni ifrod (yolgʻiz haj) qilib ado etdilar. (Roviy) aytdi: Bu bobda Jobir va Ibn Umardan ham (hadis) bor. Abu Iso aytdi: Oishaning hadisi hasan sahih hadisdir. Baʼzi ilm ahli huzurida amal shunga koʻradir. Ibn Umardan ham rivoyat qilinishicha: Nabiy ﷺ hajni ifrod qildilar, Abu Bakr, Umar va Usmon ham ifrod qildilar. Buni bizga Qutayba, (u) Abdulloh ibn Nofiʼ as-Soigʻdan, (u) Ubaydulloh ibn Umardan, (u) Nofiʼdan, (u) Ibn Umardan shu (mazmunda) aytib berdi. Abu Iso aytdi: Savriy: Agar hajni ifrod qilsang — yaxshi, qiron qilsang — yaxshi, tamattuʼ qilsang — yaxshi, dedi. Shofiiy ham shunga oʻxshash aytdi va: Bizga eng maʼqulroq (boʻlgani) ifrod, soʻng tamattuʼ, soʻng qirondir, dedi.Оиша (розияллоҳу анҳо)дан ривоят қилинади: Расулуллоҳ ﷺ ҳажни ифрод (ёлғиз ҳаж) қилиб адо этдилар. (Ровий) айтди: Бу бобда Жобир ва Ибн Умардан ҳам (ҳадис) бор. Абу Исо айтди: Оишанинг ҳадиси ҳасан саҳиҳ ҳадисдир. Баъзи илм аҳли ҳузурида амал шунга кўрадир. Ибн Умардан ҳам ривоят қилинишича: Набий ﷺ ҳажни ифрод қилдилар, Абу Бакр, Умар ва Усмон ҳам ифрод қилдилар. Буни бизга Қутайба, (у) Абдуллоҳ ибн Нофиъ ас-Соиғдан, (у) Убайдуллоҳ ибн Умардан, (у) Нофиъдан, (у) Ибн Умардан шу (мазмунда) айтиб берди. Абу Исо айтди: Саврий: Агар ҳажни ифрод қилсанг — яхши, қирон қилсанг — яхши, таматтуъ қилсанг — яхши, деди. Шофиий ҳам шунга ўхшаш айтди ва: Бизга энг маъқулроқ (бўлгани) ифрод, сўнг таматтуъ, сўнг қирондир, деди.