Rofiʼ ibn Xadij (roziyallohu anhu)dan rivoyat qilinadi: Men: «Ey Allohning Rasuli, biz ertaga dushmanga roʻbaroʻ boʻlamiz, oldimizda esa pichoqlarimiz yoʻq», dedim. U zot: «Qonni oqizgan va ustiga Allohning nomi zikr qilingan (narsa bilan soʻyilgan)ni yegin. Faqat tish va tirnoq (bilan soʻyilgani) boʻlmasin. Senga (buning sababini) aytib beraman: tishga kelsak, u suyakdir; tirnoqqa kelsak, u habashlarning pichogʻidir», dedilar. (Rofiʼ) dedi: Rasululloh ﷺ oʻlja qoʻlga kiritdilar, ulardan bir tuya qochib ketdi. Odamlar uning ketidan yugurishdi, ammo (tuta) olishmadi. Shunda bir kishi unga oʻq otib, uni toʻxtatdi. Rasululloh ﷺ: «Albatta, bu tuyalarning — yoki: bu chorvalarning — yovvoyi hayvonlarning qochoqlaridek qochoqlari boʻladi. Bas, ulardan biri sizlarni yengsa, unga shunday qilinglar», dedilar.Рофиъ ибн Хадиж (розияллоҳу анҳу)дан ривоят қилинади: Мен: «Эй Аллоҳнинг Расули, биз эртага душманга рўбарў бўламиз, олдимизда эса пичоқларимиз йўқ», дедим. У зот: «Қонни оқизган ва устига Аллоҳнинг номи зикр қилинган (нарса билан сўйилган)ни егин. Фақат тиш ва тирноқ (билан сўйилгани) бўлмасин. Сенга (бунинг сабабини) айтиб бераман: тишга келсак, у суякдир; тирноққа келсак, у ҳабашларнинг пичоғидир», дедилар. (Рофиъ) деди: Расулуллоҳ ﷺ ўлжа қўлга киритдилар, улардан бир туя қочиб кетди. Одамлар унинг кетидан югуришди, аммо (тута) олишмади. Шунда бир киши унга ўқ отиб, уни тўхтатди. Расулуллоҳ ﷺ: «Албатта, бу туяларнинг — ёки: бу чорваларнинг — ёввойи ҳайвонларнинг қочоқларидек қочоқлари бўлади. Бас, улардан бири сизларни енгса, унга шундай қилинглар», дедилар.