Al-Asvad ibn Yaziddan rivoyat qilinadi: Men va amakim Alqama peshin chogʻida Abdulloh ibn Masʼudning oldiga kirdik. U namoz oʻqish uchun peshinga (iqomat aytib) turdi, biz esa uning orqasida turdik. Shunda u mening qoʻlimdan va amakimning qoʻlidan ushlab, birimizni oʻngiga, ikkinchimizni chapiga qoʻydi, soʻng ikkovimizning oʻrtamizda turdi va biz uning orqasida bir saf boʻlib turdik. Soʻng u: «Uch kishi boʻlganlarida Rasululloh ﷺ mana shunday qilar edilar», dedi. Bas, u bizga imom boʻlib namoz oʻqidi; rukuʼ qilganida ikki kaftini birlashtirib, bilaklarini sonlariga tekkizdi va kaftlarini tizzalari orasiga kiritdi. Salom berganida bizga yuzlanib: «Albatta shunday imomlar boʻladiki, namozni oʻz vaqtlaridan kechiktiradilar. Agar ular shunday qilsalar, ular bilan (oʻqish uchun) namozni kutmanglar va ular bilan (oʻqigan) namozingizni nafl qilinglar», dedi.Ал-Асвад ибн Язиддан ривоят қилинади: Мен ва амаким Алқама пешин чоғида Абдуллоҳ ибн Масъуднинг олдига кирдик. У намоз ўқиш учун пешинга (иқомат айтиб) турди, биз эса унинг орқасида турдик. Шунда у менинг қўлимдан ва амакимнинг қўлидан ушлаб, биримизни ўнгига, иккинчимизни чапига қўйди, сўнг икковимизнинг ўртамизда турди ва биз унинг орқасида бир саф бўлиб турдик. Сўнг у: «Уч киши бўлганларида Расулуллоҳ ﷺ мана шундай қилар эдилар», деди. Бас, у бизга имом бўлиб намоз ўқиди; рукуъ қилганида икки кафтини бирлаштириб, билакларини сонларига теккизди ва кафтларини тиззалари орасига киритди. Салом берганида бизга юзланиб: «Албатта шундай имомлар бўладики, намозни ўз вақтларидан кечиктирадилар. Агар улар шундай қилсалар, улар билан (ўқиш учун) намозни кутманглар ва улар билан (ўқиган) намозингизни нафл қилинглар», деди.