Xabbob ibn al-Aratt (roziyallohu anhu) aytdi: Men Makkada temirchi edim va Os ibn Voil uchun ishlar edim. Menga undan bir necha dirham (haq) yigʻildi, shunda men uni talab qilib bordim. U: «Sen Muhammadga kufr keltirmaguningcha senga toʻlamayman», dedi. Men: «Allohga qasamki, sen oʻlib, soʻng qayta tirilguningcha men Muhammadga ﷺ kufr keltirmayman», dedim. U: «Qayta tirilsam, menda mol va farzand boʻladi», dedi. Men buni Nabiy ﷺga aytdim. Shunda Alloh tabaroka va taolo: {Bizning oyatlarimizga kufr keltirgan va: «Menga, albatta, mol va farzand beriladi», degan (kishi)ni koʻrdingmi?} (oyatini) — «yolgʻiz (holda keladi)» (soʻzi)gacha nozil qildi.Хаббоб ибн ал-Аратт (розияллоҳу анҳу) айтди: Мен Маккада темирчи эдим ва Ос ибн Воил учун ишлар эдим. Менга ундан бир неча дирҳам (ҳақ) йиғилди, шунда мен уни талаб қилиб бордим. У: «Сен Муҳаммадга куфр келтирмагунингча сенга тўламайман», деди. Мен: «Аллоҳга қасамки, сен ўлиб, сўнг қайта тирилгунингча мен Муҳаммадга ﷺ куфр келтирмайман», дедим. У: «Қайта тирилсам, менда мол ва фарзанд бўлади», деди. Мен буни Набий ﷺга айтдим. Шунда Аллоҳ табарока ва таоло: {Бизнинг оятларимизга куфр келтирган ва: «Менга, албатта, мол ва фарзанд берилади», деган (киши)ни кўрдингми?} (оятини) — «ёлғиз (ҳолда келади)» (сўзи)гача нозил қилди.