Abu Usmon aytdi: Men Salmon al-Forsiy (roziyallohu anhu) bilan bir daraxt tagida edim. U daraxtdan quruq bir shoxni olib, barglari toʻkilguncha uni silkitdi. Soʻng: «Ey Abu Usmon, nega bunday qilganimni mendan soʻramaysanmi?» dedi. Men: «Nega bunday qilding?» dedim. U: «Rasululloh ﷺ ham shunday qilgan edilar — men u zot bilan birga bir daraxt tagida edim. U zot undan quruq bir shoxni olib, barglari toʻkilguncha uni silkitdilar, soʻng: ‹Ey Salmon, nega bunday qilganimni mendan soʻramaysanmi?› dedilar. Men: ‹Nega bunday qilyapsiz?› dedim. U zot: ‹Albatta, musulmon kishi tahorat qilib, tahoratni chiroyli qilsa, soʻng besh (vaqt) namozni oʻqisa, gunohlari xuddi shu barglar toʻkilganidek toʻkiladi›, dedilar», dedi va: {Kunduzning ikki tarafida va kechaning (dastlabki) soatlarida namozni toʻkis ado et. Albatta, yaxshiliklar yomonliklarni ketkazadi. Bu — eslovchilar uchun eslatmadir} (oyatini oʻqidi).Абу Усмон айтди: Мен Салмон ал-Форсий (розияллоҳу анҳу) билан бир дарахт тагида эдим. У дарахтдан қуруқ бир шохни олиб, барглари тўкилгунча уни силкитди. Сўнг: «Эй Абу Усмон, нега бундай қилганимни мендан сўрамайсанми?» деди. Мен: «Нега бундай қилдинг?» дедим. У: «Расулуллоҳ ﷺ ҳам шундай қилган эдилар — мен у зот билан бирга бир дарахт тагида эдим. У зот ундан қуруқ бир шохни олиб, барглари тўкилгунча уни силкитдилар, сўнг: ‹Эй Салмон, нега бундай қилганимни мендан сўрамайсанми?› дедилар. Мен: ‹Нега бундай қиляпсиз?› дедим. У зот: ‹Албатта, мусулмон киши таҳорат қилиб, таҳоратни чиройли қилса, сўнг беш (вақт) намозни ўқиса, гуноҳлари худди шу барглар тўкилганидек тўкилади›, дедилар», деди ва: {Кундузнинг икки тарафида ва кечанинг (дастлабки) соатларида намозни тўкис адо эт. Албатта, яхшиликлар ёмонликларни кетказади. Бу — эсловчилар учун эслатмадир} (оятини ўқиди).