Oisha (roziyallohu anho)dan rivoyat qilinadi: Bir kuni yarim kechada Rasululloh ﷺ chiqib, masjidda namoz oʻqidilar va baʼzi kishilar u zot bilan namoz oʻqidi. Ertasi kuni odamlar bu haqda gaplashdi; shuning uchun (ikkinchi kechasi) koʻproq odamlar yigʻilib, u zot bilan namoz oʻqidi. Ertalab ular bu xabarni tarqatdi; shunday qilib, uchinchi kechada odamlar soni juda koʻpaydi. Rasululloh ﷺ chiqdilar va ular u zot orqasida namoz oʻqidi. Toʻrtinchi kechada masjid odamlarga toʻlib, ularni sigʻdira olmadi. Rasululloh ﷺ faqat bomdod namozi uchun chiqdilar; namozni tugatgach, u zot odamlarga yuzlanib, ‹tashahhud›ni (Men Allohdan boshqa haq maʼbud yoʻqligiga va Muhammad Uning Rasuli ekanligiga guvohlik beraman) oʻqidilar, soʻng: «Ammo baʼdu. Shubhasiz, sizlarning (kechasi masjiddagi) hozir boʻlishingiz menga maxfiy emas edi; lekin men bu namoz (tahajjud namozi) farz qilinib qolishidan va sizlar uni ado eta olmay qolishingizdan qoʻrqdim», — dedilar.Оиша (розияллоҳу анҳо)дан ривоят қилинади: Бир куни ярим кечада Расулуллоҳ ﷺ чиқиб, масжидда намоз ўқидилар ва баъзи кишилар у зот билан намоз ўқиди. Эртаси куни одамлар бу ҳақда гаплашди; шунинг учун (иккинчи кечаси) кўпроқ одамлар йиғилиб, у зот билан намоз ўқиди. Эрталаб улар бу хабарни тарқатди; шундай қилиб, учинчи кечада одамлар сони жуда кўпайди. Расулуллоҳ ﷺ чиқдилар ва улар у зот орқасида намоз ўқиди. Тўртинчи кечада масжид одамларга тўлиб, уларни сиғдира олмади. Расулуллоҳ ﷺ фақат бомдод намози учун чиқдилар; намозни тугатгач, у зот одамларга юзланиб, ‹ташаҳҳуд›ни (Мен Аллоҳдан бошқа ҳақ маъбуд йўқлигига ва Муҳаммад Унинг Расули эканлигига гувоҳлик бераман) ўқидилар, сўнг: «Аммо баъду. Шубҳасиз, сизларнинг (кечаси масжиддаги) ҳозир бўлишингиз менга махфий эмас эди; лекин мен бу намоз (таҳажжуд намози) фарз қилиниб қолишидан ва сизлар уни адо эта олмай қолишингиздан қўрқдим», — дедилар.