حَدَّثَنَا إِسْمَاعِيلُ، قَالَ حَدَّثَنِي ابْنُ وَهْبٍ، قَالَ عَمْرٌو حَدَّثَنِي أَبُو الأَسْوَدِ، عَنْ عُرْوَةَ، عَنْ عَائِشَةَ ـ رضى الله عنها ـ دَخَلَ عَلَىَّ رَسُولُ اللَّهِ صلى الله عليه وسلم وَعِنْدِي جَارِيَتَانِ تُغَنِّيَانِ بِغِنَاءِ بُعَاثَ، فَاضْطَجَعَ عَلَى الْفِرَاشِ وَحَوَّلَ وَجْهَهُ، فَدَخَلَ أَبُو بَكْرٍ فَانْتَهَرَنِي وَقَالَ مِزْمَارَةُ الشَّيْطَانِ عِنْدَ رَسُولِ اللَّهِ صلى الله عليه وسلم. فَأَقْبَلَ عَلَيْهِ رَسُولُ اللَّهِ صلى الله عليه وسلم فَقَالَ " دَعْهُمَا ". فَلَمَّا غَفَلَ غَمَزْتُهُمَا فَخَرَجَتَا. قَالَتْ وَكَانَ يَوْمُ عِيدٍ يَلْعَبُ السُّودَانُ بِالدَّرَقِ وَالْحِرَابِ، فَإِمَّا سَأَلْتُ رَسُولَ اللَّهِ صلى الله عليه وسلم وَإِمَّا قَالَ " تَشْتَهِينَ تَنْظُرِينَ ". فَقَالَتْ نَعَمْ. فَأَقَامَنِي وَرَاءَهُ خَدِّي عَلَى خَدِّهِ وَيَقُولُ " دُونَكُمْ بَنِي أَرْفِدَةَ ". حَتَّى إِذَا مَلِلْتُ قَالَ " حَسْبُكِ ". قُلْتُ نَعَمْ. قَالَ " فَاذْهَبِي ". قَالَ أَحْمَدُ عَنِ ابْنِ وَهْبٍ، فَلَمَّا غَفَلَ.
Oisha (roziyallohu anho)dan rivoyat qilinadi: Allohning Rasuli ﷺ mening uyimga keldi — ikki qiz mening yonimda Buos (kuni) qoʻshiqlarini kuylayotgan edi (Buos — Islomdan oldin ansorlarning ikki qabilasi, yaʼni Xazraj va Avs orasidagi urush haqidagi voqea). Paygʻambar ﷺ toʻshakka yonboshlab, yuzini boshqa tomonga burdi. Abu Bakr kirib keldi va meni koʻrib koyidi hamda eʼtiroz bildirib: «Allohning Rasuli ﷺ ning huzurida shayton (cholgʻu) asbobimi?» — dedi. Allohning Rasuli ﷺ yuzini unga burib: «Ularni qoʻyib ber», — dedi. Abu Bakr eʼtiborsiz (boʻlib turgan) paytda, men ikki qizga (ketishlari uchun) ishora qildim va ular chiqib ketdi. Bu — Iyd kuni edi va (oʻshanda) habashlar charm qalqonlar va nayzalar bilan (mahorat) oʻyini koʻrsatardi. Yo men Allohning Rasuli ﷺ dan (koʻrsatuvni koʻrishni) soʻradim, yo u zotning oʻzi mendan — koʻrsatuvni koʻrishni xohlaysanmi, deb — soʻradi. Men ‹ha› deb javob berdim. Soʻng u zot meni oʻz orqasida turgʻazdi — mening yuzim (yonogʻim) u zotning yuzi (yonogʻi)ga tegib turardi — va u zot: «Davom etinglar, ey Bani Arfida (yaʼni habashlar)!» — der edi. Men charchaganimda, u zot mendan — shu yetarlimi, deb — soʻradi. Men ‹ha› deb javob berdim va u zot menga (ketishimga) ruxsat berdi.Оиша (розияллоҳу анҳо)дан ривоят қилинади: Аллоҳнинг Расули ﷺ менинг уйимга келди — икки қиз менинг ёнимда Буос (куни) қўшиқларини куйлаётган эди (Буос — Исломдан олдин ансорларнинг икки қабиласи, яъни Хазраж ва Авс орасидаги уруш ҳақидаги воқеа). Пайғамбар ﷺ тўшакка ёнбошлаб, юзини бошқа томонга бурди. Абу Бакр кириб келди ва мени кўриб койиди ҳамда эътироз билдириб: «Аллоҳнинг Расули ﷺ нинг ҳузурида шайтон (чолғу) асбобими?» — деди. Аллоҳнинг Расули ﷺ юзини унга буриб: «Уларни қўйиб бер», — деди. Абу Бакр эътиборсиз (бўлиб турган) пайтда, мен икки қизга (кетишлари учун) ишора қилдим ва улар чиқиб кетди. Бу — Ийд куни эди ва (ўшанда) ҳабашлар чарм қалқонлар ва найзалар билан (маҳорат) ўйини кўрсатарди. Ё мен Аллоҳнинг Расули ﷺ дан (кўрсатувни кўришни) сўрадим, ё у зотнинг ўзи мендан — кўрсатувни кўришни хоҳлайсанми, деб — сўради. Мен ‹ҳа› деб жавоб бердим. Сўнг у зот мени ўз орқасида турғазди — менинг юзим (ёноғим) у зотнинг юзи (ёноғи)га тегиб турарди — ва у зот: «Давом этинглар, эй Бани Арфида (яъни ҳабашлар)!» — дер эди. Мен чарчаганимда, у зот мендан — шу етарлими, деб — сўради. Мен ‹ҳа› деб жавоб бердим ва у зот менга (кетишимга) рухсат берди.