Oisha (roziyallohu anho)dan rivoyat qilinadi: Barira ozodligi (huriyati) borasida mendan yordam soʻrab keldi. Men unga: «Agar xohlasang, men bahongni xojalaringga toʻlayman, lekin valoʼ (merosing) meniki boʻladi», — dedim. Uning xojalari: «Agar xohlasang, (huriyat bahosidan) qolganini toʻla (yoki: agar xohlasang, uni ozod qil), lekin valoʼ bizniki boʻladi», — dedi. Rasululloh ﷺ kelganlarida, men buni u zotga aytdim. U zot: «Uni sotib olib, ozod qil; albatta valoʼ — ozod qilgan kishiniki», — dedilar. Soʻng Rasululloh ﷺ minbarga chiqib: «Baʼzi odamlarga nima boʻladiki, Allohning Kitobida (qonunida) boʻlmagan shartlarni qoʻyadi?! Kim Allohning Kitobida boʻlmagan shart qoʻysa, uning sharti botildir — agar uni yuz marta qoʻysa ham», — dedilar.Оиша (розияллоҳу анҳо)дан ривоят қилинади: Барира озодлиги (ҳурияти) борасида мендан ёрдам сўраб келди. Мен унга: «Агар хоҳласанг, мен баҳонгни хожаларингга тўлайман, лекин валў (меросинг) меники бўлади», — дедим. Унинг хожалари: «Агар хоҳласанг, (ҳурият баҳосидан) қолганини тўла (ёки: агар хоҳласанг, уни озод қил), лекин валў бизники бўлади», — деди. Расулуллоҳ ﷺ келганларида, мен буни у зотга айтдим. У зот: «Уни сотиб олиб, озод қил; албатта валў — озод қилган кишиники», — дедилар. Сўнг Расулуллоҳ ﷺ минбарга чиқиб: «Баъзи одамларга нима бўладики, Аллоҳнинг Китобида (қонунида) бўлмаган шартларни қўяди?! Ким Аллоҳнинг Китобида бўлмаган шарт қўйса, унинг шарти ботилдир — агар уни юз марта қўйса ҳам», — дедилар.