Abdulloh ibn Salom (roziyallohu anhu)dan rivoyat qilinadi: U shunday der edi: Biz Rasululloh ﷺning sifatini shunday topamiz: «Albatta, Biz seni guvoh, xushxabar beruvchi, ogohlantiruvchi va ummiylar uchun panoh qilib yubordik. Sen Mening bandam va elchimsan. Men uni Mutavakkil deb nomladim. U qoʻpol emas, dagʻal emas, bozorlarda baqiroq emas. Yomonlikka oʻshanga oʻxshashi bilan javob qaytarmaydi, balki afv etadi va kechadi. Men uni egri millatni ‹La ilaha illalloh› deb guvohlik berishga qaytarib toʻgʻrilamaguncha qabz qilmayman. U orqali koʻr koʻzlarni, kar quloqlarni va gʻiloflangan qalblarni ochamiz». Atoʼ ibn Yasor aytdi: Menga Abu Voqid al-Laysiy xabar berdiki, u Kaʼbning ham Ibn Salom aytgan soʻzning oʻxshashini aytganini eshitgan.Абдуллоҳ ибн Салом (розияллоҳу анҳу)дан ривоят қилинади: У шундай дер эди: Биз Расулуллоҳ ﷺнинг сифатини шундай топамиз: «Албатта, Биз сени гувоҳ, хушхабар берувчи, огоҳлантирувчи ва уммийлар учун паноҳ қилиб юбордик. Сен Менинг бандам ва элчимсан. Мен уни Мутаваккил деб номладим. У қўпол эмас, дағал эмас, бозорларда бақироқ эмас. Ёмонликка ўшанга ўхшаши билан жавоб қайтармайди, балки афв этади ва кечади. Мен уни эгри миллатни ‹Ла илаҳа иллаллоҳ› деб гувоҳлик беришга қайтариб тўғриламагунча қабз қилмайман. У орқали кўр кўзларни, кар қулоқларни ва ғилофланган қалбларни очамиз». Атў ибн Ясор айтди: Менга Абу Воқид ал-Лайсий хабар бердики, у Каъбнинг ҳам Ибн Салом айтган сўзнинг ўхшашини айтганини эшитган.