Oisha bint Qudomaning mavlosi Umar ibn Husayn (rahimahulloh)dan rivoyat qilinishicha, Abdulmalik ibn Marvon (rahimahulloh) bir kishini tayoq bilan oʻldirgan kishidan oʻsha (oʻldirilgan) kishining valiysiga (vorisiga) qasos oldirdi, valiysi uni tayoq bilan oʻldirdi. Molik aytdi: «Bizda ixtilofsiz, ittifoq qilingan amal shuki, kishi boshqa kishini tayoq bilan ursa yoki unga tosh otsa yoki uni qasddan ursa-yu, u shundan oʻlsa, bu — qasd (qotillik)dir va unda qasos bor». Molik aytdi: «Bizda qasddan oʻldirish — kishining boshqa kishini qasd qilib, uni joni chiqquncha urishidir. Yana qasddan (oʻldirish)dan (biri) — kishining oʻzaro janjal (nizo)da boshqa kishini urib, uni tirik holida tashlab ketishi, u esa urishdan (jarohatlanib) qonab oʻlishidir; bunda qasoma (qasamlar) boʻladi». Molik aytdi: «Bizdagi amal shuki, qasddan (oʻldirishda) bir ozod kishi (evaziga) bir necha ozod erkaklar oʻldiriladi; xuddi shunday, bir ayol (evaziga) ayollar; bir qul (evaziga) qullar (oʻldiriladi)».Оиша бинт Қудоманинг мавлоси Умар ибн Ҳусайн (раҳимаҳуллоҳ)дан ривоят қилинишича, Абдулмалик ибн Марвон (раҳимаҳуллоҳ) бир кишини таёқ билан ўлдирган кишидан ўша (ўлдирилган) кишининг валийсига (ворисига) қасос олдирди, валийси уни таёқ билан ўлдирди. Молик айтди: «Бизда ихтилофсиз, иттифоқ қилинган амал шуки, киши бошқа кишини таёқ билан урса ёки унга тош отса ёки уни қасддан урса-ю, у шундан ўлса, бу — қасд (қотиллик)дир ва унда қасос бор». Молик айтди: «Бизда қасддан ўлдириш — кишининг бошқа кишини қасд қилиб, уни жони чиққунча уришидир. Яна қасддан (ўлдириш)дан (бири) — кишининг ўзаро жанжал (низо)да бошқа кишини уриб, уни тирик ҳолида ташлаб кетиши, у эса уришдан (жароҳатланиб) қонаб ўлишидир; бунда қасома (қасамлар) бўлади». Молик айтди: «Биздаги амал шуки, қасддан (ўлдиришда) бир озод киши (эвазига) бир неча озод эркаклар ўлдирилади; худди шундай, бир аёл (эвазига) аёллар; бир қул (эвазига) қуллар (ўлдирилади)».