حَدَّثَنَا سَعِيدُ بْنُ مُحَمَّدٍ الْجَرْمِيُّ، حَدَّثَنَا يَعْقُوبُ بْنُ إِبْرَاهِيمَ، حَدَّثَنَا أَبِي أَنَّ الْوَلِيدَ بْنَ كَثِيرٍ، حَدَّثَهُ عَنْ مُحَمَّدِ بْنِ عَمْرِو بْنِ حَلْحَلَةَ الدُّؤَلِيِّ، حَدَّثَهُ أَنَّ ابْنَ شِهَابٍ حَدَّثَهُ أَنَّ عَلِيَّ بْنَ حُسَيْنٍ حَدَّثَهُ أَنَّهُمْ، حِينَ قَدِمُوا الْمَدِينَةَ مِنْ عِنْدِ يَزِيدَ بْنِ مُعَاوِيَةَ مَقْتَلَ حُسَيْنِ بْنِ عَلِيٍّ رَحْمَةُ اللَّهِ عَلَيْهِ لَقِيَهُ الْمِسْوَرُ بْنُ مَخْرَمَةَ فَقَالَ لَهُ هَلْ لَكَ إِلَىَّ مِنْ حَاجَةٍ تَأْمُرُنِي بِهَا فَقُلْتُ لَهُ لاَ. فَقَالَ لَهُ فَهَلْ أَنْتَ مُعْطِيَّ سَيْفَ رَسُولِ اللَّهِ صلى الله عليه وسلم فَإِنِّي أَخَافُ أَنْ يَغْلِبَكَ الْقَوْمُ عَلَيْهِ، وَايْمُ اللَّهِ، لَئِنْ أَعْطَيْتَنِيهِ لاَ يُخْلَصُ إِلَيْهِمْ أَبَدًا حَتَّى تُبْلَغَ نَفْسِي، إِنَّ عَلِيَّ بْنَ أَبِي طَالِبٍ خَطَبَ ابْنَةَ أَبِي جَهْلٍ عَلَى فَاطِمَةَ ـ عَلَيْهَا السَّلاَمُ ـ فَسَمِعْتُ رَسُولَ اللَّهِ صلى الله عليه وسلم يَخْطُبُ النَّاسَ فِي ذَلِكَ عَلَى مِنْبَرِهِ هَذَا وَأَنَا يَوْمَئِذٍ مُحْتَلِمٌ فَقَالَ " إِنَّ فَاطِمَةَ مِنِّي، وَأَنَا أَتَخَوَّفُ أَنْ تُفْتَنَ فِي دِينِهَا ". ثُمَّ ذَكَرَ صِهْرًا لَهُ مِنْ بَنِي عَبْدِ شَمْسٍ، فَأَثْنَى عَلَيْهِ فِي مُصَاهَرَتِهِ إِيَّاهُ قَالَ " حَدَّثَنِي فَصَدَقَنِي، وَوَعَدَنِي فَوَفَى لِي، وَإِنِّي لَسْتُ أُحَرِّمُ حَلاَلاً وَلاَ أُحِلُّ حَرَامًا، وَلَكِنْ وَاللَّهِ لاَ تَجْتَمِعُ بِنْتُ رَسُولِ اللَّهِ صلى الله عليه وسلم وَبِنْتُ عَدُوِّ اللَّهِ أَبَدًا ".
Ali ibn Husayn (rahimahulloh)dan rivoyat qilinadi: Husayn ibn Ali (Alloh unga rahmat qilsin) shahid boʻlganidan keyin, ular Yazid ibn Muoviyaning (oldidan) qaytib, Madinaga yetganda, Misvar ibn Maxrama u (Ali ibn Husayn)ni uchratib, unga: «Senga biror ehtiyojing bormi, menga buyursang (bajaray)?» — dedi. Ali: «Yoʻq», — dedi. Misvar: «Allohning Rasuli ﷺ ning qilichini menga berasanmi? Chunki men — odamlar uni sendan kuch bilan tortib olishidan — qoʻrqaman. Allohga qasamki, agar uni menga bersang, ular — to men oʻlguncha — uni hech qachon (sendan) ola olmaydi», — dedi. Ali ibn Abu Tolib — Fotimaning ustiga — Abu Jahlning qiziga uylanishni talab qilganda, men Allohning Rasuli ﷺ ning shu munosabat bilan minbarda odamlar oldida xutba qilganini eshitganman — men oʻshanda balogʻat yoshiga yetgan edim. Allohning Rasuli ﷺ: «Fotima — mendan(dir) va men — uning dinida (rashk sababli) fitnaga (sinovga) qolishidan qoʻrqaman», — dedi. Soʻng Paygʻambar ﷺ — Abdushams qabilasidan boʻlgan — kuyovlaridan birini zikr qildi va uni yaxshi kuyov deb maqtab: «U nima desa — rost edi; u menga vaʼda berdi va vaʼdasini bajardi. Men halol narsani harom qilmayman va harom narsani halol qilmayman; lekin, Allohga qasamki, Allohning Rasuli ﷺ ning qizi va Allohning dushmanining (yaʼni Abu Jahlning) qizi hech qachon (bir kishining xotinlari sifatida) birga (jamlana) olmaydi», — dedi.Али ибн Ҳусайн (раҳимаҳуллоҳ)дан ривоят қилинади: Ҳусайн ибн Али (Аллоҳ унга раҳмат қилсин) шаҳид бўлганидан кейин, улар Язид ибн Муовиянинг (олдидан) қайтиб, Мадинага етганда, Мисвар ибн Махрама у (Али ибн Ҳусайн)ни учратиб, унга: «Сенга бирор эҳтиёжинг борми, менга буюрсанг (бажарай)?» — деди. Али: «Йўқ», — деди. Мисвар: «Аллоҳнинг Расули ﷺ нинг қиличини менга берасанми? Чунки мен — одамлар уни сендан куч билан тортиб олишидан — қўрқаман. Аллоҳга қасамки, агар уни менга берсанг, улар — то мен ўлгунча — уни ҳеч қачон (сендан) ола олмайди», — деди. Али ибн Абу Толиб — Фотиманинг устига — Абу Жаҳлнинг қизига уйланишни талаб қилганда, мен Аллоҳнинг Расули ﷺ нинг шу муносабат билан минбарда одамлар олдида хутба қилганини эшитганман — мен ўшанда балоғат ёшига етган эдим. Аллоҳнинг Расули ﷺ: «Фотима — мендан(дир) ва мен — унинг динида (рашк сабабли) фитнага (синовга) қолишидан қўрқаман», — деди. Сўнг Пайғамбар ﷺ — Абдушамс қабиласидан бўлган — куёвларидан бирини зикр қилди ва уни яхши куёв деб мақтаб: «У нима деса — рост эди; у менга ваъда берди ва ваъдасини бажарди. Мен ҳалол нарсани ҳаром қилмайман ва ҳаром нарсани ҳалол қилмайман; лекин, Аллоҳга қасамки, Аллоҳнинг Расули ﷺ нинг қизи ва Аллоҳнинг душманининг (яъни Абу Жаҳлнинг) қизи ҳеч қачон (бир кишининг хотинлари сифатида) бирга (жамлана) олмайди», — деди.