حَدَّثَنَا إِسْحَاقُ بْنُ إِبْرَاهِيمَ الْحَنْظَلِيُّ، أَخْبَرَنَا عِيسَى بْنُ يُونُسَ، حَدَّثَنَا الأَوْزَاعِيُّ، عَنْ يَزِيدَ بْنِ يَزِيدَ بْنِ جَابِرٍ، عَنْ رُزَيْقِ بْنِ حَيَّانَ، عَنْ مُسْلِمِ بْنِ قَرَظَةَ، عَنْ عَوْفِ بْنِ مَالِكٍ، عَنْ رَسُولِ اللَّهِ صلى الله عليه وسلم قَالَ " خِيَارُ أَئِمَّتِكُمُ الَّذِينَ تُحِبُّونَهُمْ وَيُحِبُّونَكُمْ وَيُصَلُّونَ عَلَيْكُمْ وَتُصَلُّونَ عَلَيْهِمْ وَشِرَارُ أَئِمَّتِكُمُ الَّذِينَ تُبْغِضُونَهُمْ وَيُبْغِضُونَكُمْ وَتَلْعَنُونَهُمْ وَيَلْعَنُونَكُمْ " . قِيلَ يَا رَسُولَ اللَّهِ أَفَلاَ نُنَابِذُهُمْ بِالسَّيْفِ فَقَالَ " لاَ مَا أَقَامُوا فِيكُمُ الصَّلاَةَ وَإِذَا رَأَيْتُمْ مِنْ وُلاَتِكُمْ شَيْئًا تَكْرَهُونَهُ فَاكْرَهُوا عَمَلَهُ وَلاَ تَنْزِعُوا يَدًا مِنْ طَاعَةٍ " .
Avf ibn Molik (roziyallohu anhu)dan rivoyat qilinadi: Rasululloh ﷺ (shunday) dedilar: «Imomlaringizning (hokimlaringizning) yaxshilari — sizlar ularni sevadigan, ular ham sizlarni sevadigan, sizlarga duo qiladigan va sizlar ularga duo qiladiganlardir. Imomlaringizning yomonlari esa — sizlar ularga gʻazab qiladigan, ular ham sizlarga gʻazab qiladigan, sizlar ularni laʼnatlaydigan va ular ham sizlarni laʼnatlaydiganlardir». «Yo Rasululloh! Unda ularga qarshi qilich koʻtarmaylikmi?» — deyildi. Shunda u zot: «Yoʻq, toki ular sizlar orasida namozni barpo etib turar ekanlar. Hokimlaringizdan oʻzingiz yomon koʻradigan biror narsani koʻrsangiz, uning amalini yomon koʻringlar, ammo itoatdan qoʻl tortmanglar», — dedilar.Авф ибн Молик (розияллоҳу анҳу)дан ривоят қилинади: Расулуллоҳ ﷺ (шундай) дедилар: «Имомларингизнинг (ҳокимларингизнинг) яхшилари — сизлар уларни севадиган, улар ҳам сизларни севадиган, сизларга дуо қиладиган ва сизлар уларга дуо қиладиганлардир. Имомларингизнинг ёмонлари эса — сизлар уларга ғазаб қиладиган, улар ҳам сизларга ғазаб қиладиган, сизлар уларни лаънатлайдиган ва улар ҳам сизларни лаънатлайдиганлардир». «Ё Расулуллоҳ! Унда уларга қарши қилич кўтармайликми?» — дейилди. Шунда у зот: «Йўқ, токи улар сизлар орасида намозни барпо этиб турар эканлар. Ҳокимларингиздан ўзингиз ёмон кўрадиган бирор нарсани кўрсангиз, унинг амалини ёмон кўринглар, аммо итоатдан қўл тортманглар», — дедилар.