Usmon ibn Affon Zun-nurayn

- وعن عثمان رضي الله عنه قال‏:‏ سمعت رسول الله صلى الله عليه وسلم يقول‏:‏ ‏"‏رباط يوم في سبيل الله خير من ألف يوم فيما سواه من المنازل‏"‏ ‏(‏‏(‏رواه الترمذي وقال‏:‏ حديث حسن صحيح‏)‏‏)‏‏.‏

Usmonning ozod qilgan quli Abu Solih (rahimahulloh)dan rivoyat qilinadi: Men Usmon (roziyallohu anhu) minbarda turib shunday deganini eshitdim: «Men sizlarning mendan tarqab ketishingizni xush koʻrmaganim uchun Rasululloh ﷺdan eshitgan bir hadisni sizlardan yashirgan edim. Soʻng kishi oʻzi uchun koʻrgan narsani ixtiyor qilsin deb, uni sizlarga aytib berishni maʼqul koʻrdim. Rasululloh ﷺning: ‹Alloh yoʻlida bir kun (ribot) chegara qoʻriqlash boshqa manzillarda turilgan ming kundan yaxshiroqdir› — deganlarini eshitdim». Abu Iso aytdi: Bu hadis hasan sahih gʻaribdir. Muhammad ibn Ismoil (al-Buxoriy) aytdi: Usmonning ozod qilgan quli Abu Solihning ismi Turkondir.Усмоннинг озод қилган қули Абу Солиҳ (раҳимаҳуллоҳ)дан ривоят қилинади: Мен Усмон (розияллоҳу анҳу) минбарда туриб шундай деганини эшитдим: «Мен сизларнинг мендан тарқаб кетишингизни хуш кўрмаганим учун Расулуллоҳ ﷺдан эшитган бир ҳадисни сизлардан яширган эдим. Сўнг киши ўзи учун кўрган нарсани ихтиёр қилсин деб, уни сизларга айтиб беришни маъқул кўрдим. Расулуллоҳ ﷺнинг: ‹Аллоҳ йўлида бир кун (рибот) чегара қўриқлаш бошқа манзилларда турилган минг кундан яхшироқдир› — деганларини эшитдим». Абу Исо айтди: Бу ҳадис ҳасан саҳиҳ ғарибдир. Муҳаммад ибн Исмоил (ал-Бухорий) айтди: Усмоннинг озод қилган қули Абу Солиҳнинг исми Туркондир.

- وعن عثمان بن عفان رضي الله عنه قال‏:‏ قال رسول الله صلى الله عليه وسلم‏:‏ ‏"‏ما من عبد يقول في صباح كل يوم ومساء كل ليلة‏:‏ بسم الله الذي لا يضر مع اسمه شيء في الأرض ولا في السماء وهو السميع العليم، ثلاث مرات، إلا لم يضره شيء‏"‏‏.‏ رواه أبو داود والترمذي وقال حديث حسن صحيح ‏.‏

Abon ibn Usmon aytdi: Men Usmon ibn Affon (roziyallohu anhu)ning shunday deganini eshitdim: Rasululloh ﷺ: «Qaysi bir banda har kuni ertalab va har kechqurun: ‹Bismillahillaziy la yazurru maʼasmihi shayʼun fil-arzi va la fis-samaʼi va huvas-Samiʼul-Aliym (Uning ismi bilan birga yerda ham, osmonda ham hech narsa zarar yetkaza olmaydigan Alloh nomi bilan boshladim, U eshituvchi va biluvchidir)›, deb uch marta aytsa, unga hech narsa zarar yetkaza olmaydi», dedilar. Abonni falaj (qisman shol boʻlish) chetlab oʻtgan edi. Bir kishi unga (taajjub bilan) qaray boshladi. Abon unga: «Nimaga qaryapsan? Hadis men senga aytganimdek (haq). Lekin men oʻsha kuni uni aytmadim, toki Alloh menga oʻz qadarini oʻtkazsin (deb)», dedi. (Abu Iso) aytdi: Bu hadis hasan sahih gʻaribdir.Абон ибн Усмон айтди: Мен Усмон ибн Аффон (розияллоҳу анҳу)нинг шундай деганини эшитдим: Расулуллоҳ ﷺ: «Қайси бир банда ҳар куни эрталаб ва ҳар кечқурун: ‹Бисмиллаҳиллазий ла язурру маъасмиҳи шайъун фил-арзи ва ла фис-самаъи ва ҳувас-Самиъул-Алийм (Унинг исми билан бирга ерда ҳам, осмонда ҳам ҳеч нарса зарар етказа олмайдиган Аллоҳ номи билан бошладим, У эшитувчи ва билувчидир)›, деб уч марта айтса, унга ҳеч нарса зарар етказа олмайди», дедилар. Абонни фалаж (қисман шол бўлиш) четлаб ўтган эди. Бир киши унга (таажжуб билан) қарай бошлади. Абон унга: «Нимага қаряпсан? Ҳадис мен сенга айтганимдек (ҳақ). Лекин мен ўша куни уни айтмадим, токи Аллоҳ менга ўз қадарини ўтказсин (деб)», деди. (Абу Исо) айтди: Бу ҳадис ҳасан саҳиҳ ғарибдир.

- - وعن عثمان بن عفان رضي الله عنه قال‏:‏ قال رسول الله صلى الله عليه وسلم ‏:‏ ‏"‏خيركم من تعلم القرآن وعلمه‏"‏ ‏(‏‏(‏رواه البخاري‏)‏‏)‏‏.‏

Ali ibn Abu Tolib (roziyallohu anhu)dan rivoyat qilinadi: Rasululloh ﷺ: «Sizlarning eng yaxshilaringiz Qurʼonni oʻrganib, uni (boshqalarga) oʻrgatgan kishidir», dedilar. Abu Iso aytdi: Bu hadisni biz Alining Paygʻambar ﷺdan (rivoyat qilgan) hadisi sifatida faqat Abdurrahmon ibn Ishoq hadisidangina bilamiz.Али ибн Абу Толиб (розияллоҳу анҳу)дан ривоят қилинади: Расулуллоҳ ﷺ: «Сизларнинг энг яхшиларингиз Қуръонни ўрганиб, уни (бошқаларга) ўргатган кишидир», дедилар. Абу Исо айтди: Бу ҳадисни биз Алининг Пайғамбар ﷺдан (ривоят қилган) ҳадиси сифатида фақат Абдурраҳмон ибн Ишоқ ҳадисидангина биламиз.

- وعن عثمان بن عفان رضي الله عنه قال‏:‏ قال رسول الله صلى الله عليه وسلم‏:‏ ‏"‏من توضأ فأحسن الوضوء، خرجت خطاياه من جسده حتى تخرج من تحت أظفاره‏"‏ ‏(‏‏(‏رواه مسلم‏)‏‏)‏‏.‏

Usmon ibn Affon (roziyallohu anhu)dan rivoyat qilinadi: Rasululloh ﷺ: «Kim taharat olib, taharatni chiroyli qilib olsa, gunohlari tanasidan, hatto tirnoqlari ostidan ham chiqib ketadi», dedilar.Усмон ибн Аффон (розияллоҳу анҳу)дан ривоят қилинади: Расулуллоҳ ﷺ: «Ким таҳарат олиб, таҳаратни чиройли қилиб олса, гуноҳлари танасидан, ҳатто тирноқлари остидан ҳам чиқиб кетади», дедилар.

- وعنه قال‏:‏ رأيت رسول الله صلى الله عليه وسلم يتوضأ مثل وضوئي هذا ثم قال‏:‏ ‏"‏من توضأ هكذا، غفر له ما تقدم من ذنبه، وكانت صلاته ومشيه إلى المسجد نافلة‏"‏ ‏(‏‏(‏رواه مسلم‏)‏‏)‏‏.‏

Usmon ibn Affon (roziyallohu anhu)dan rivoyat qilinadi: Men unga tahorat (suvi) keltirdim; bas, u tahorat qildi. Soʻng dedi: «Albatta odamlar Rasululloh ﷺ dan (baʼzi) hadislar aytadilar — men ular nima ekanini bilmayman —; faqat men Rasululloh ﷺ ning mana shu tahoratimga oʻxshash tahorat qilganlarini koʻrdim. Soʻng (Paygʻambar): ‹Kim shunday tahorat qilsa, uning oʻtgan gunohi magʻfirat qilinadi; uning namozi va masjidga (qilgan) yurishi (esa) nofila (qoʻshimcha savob) boʻladi›, dedilar». Ibn Abdaning rivoyatida: «Men Usmonning oldiga keldim; bas, u tahorat qildi» (deyilgan).Усмон ибн Аффон (розияллоҳу анҳу)дан ривоят қилинади: Мен унга таҳорат (суви) келтирдим; бас, у таҳорат қилди. Сўнг деди: «Албатта одамлар Расулуллоҳ ﷺ дан (баъзи) ҳадислар айтадилар — мен улар нима эканини билмайман —; фақат мен Расулуллоҳ ﷺ нинг мана шу таҳоратимга ўхшаш таҳорат қилганларини кўрдим. Сўнг (Пайғамбар): ‹Ким шундай таҳорат қилса, унинг ўтган гуноҳи мағфират қилинади; унинг намози ва масжидга (қилган) юриши (эса) нофила (қўшимча савоб) бўлади›, дедилар». Ибн Абданинг ривоятида: «Мен Усмоннинг олдига келдим; бас, у таҳорат қилди» (дейилган).

- وعن عثمان بن عفان رضي الله عنه قال‏:‏ سمعت النبي صلى الله عليه وسلم يقول‏:‏ ‏"‏ما من امرئ مسلم تحضره صلاة مكتوبة فيحسن وضوءها وخشوعها وركوعها إلا كانت كفارة لما قبلها من الذنوب مالم تؤتَ كبيرة وذلك الدهر كله‏"‏ ‏(‏‏(‏رواه مسلم‏)‏‏)‏‏.‏

Usmon ibn Affon (roziyallohu anhu)dan rivoyat qilinadi: U tahorat (suvi)ni soʻradi-da: «Men Rasululloh ﷺ ning shunday deyayotganlarini eshitdim: ‹Qaysi bir musulmon kishiga farz namoz hozir boʻlsa (vaqti kelsa)-da, u uning tahoratini, xushuʼ(huzur-xushuʼ)ini va rukuʼini goʻzal qilsa, albatta u oʻzidan oldingi gunohlarga kafforat boʻladi — toki u katta (gunoh) qilmagan boʻlsa —; va bu — butun zamonda (har doim) shunday›», dedi.Усмон ибн Аффон (розияллоҳу анҳу)дан ривоят қилинади: У таҳорат (суви)ни сўради-да: «Мен Расулуллоҳ ﷺ нинг шундай деяётганларини эшитдим: ‹Қайси бир мусулмон кишига фарз намоз ҳозир бўлса (вақти келса)-да, у унинг таҳоратини, хушуъ(ҳузур-хушуъ)ини ва рукуъини гўзал қилса, албатта у ўзидан олдинги гуноҳларга каффорат бўлади — токи у катта (гуноҳ) қилмаган бўлса —; ва бу — бутун замонда (ҳар доим) шундай›», деди.

- عن عثمان بن عفان رضي الله عنه قال‏:‏ سمعت رسول الله صلى الله عليه وسلم يقول‏:‏ ‏"‏من صلى العشاء في جماعة، فكأنما قام نصف الليل ومن صلى الصبح في جماعة، فكانما صلى الليل كله‏"‏ ‏(‏‏(‏رواه مسلم‏)‏‏)‏‏.‏ وفي رواية الترمذي عن عثمان بن عفان رضي الله عنه قال‏:‏ قال رسول الله صلى الله عليه وسلم ‏:‏ ‏"‏من شهد العشاء في جماعة كان له قيام نصف ليلة، ومن شهد العشاء والفجر في جماعة، كان له كقيام ليلة‏"‏ ‏(‏‏(‏قال الترمذي حديث حسن صحيح‏)‏‏)‏

Usmon ibn Affon (roziyallohu anhu)dan rivoyat qilinadi: Usmon ibn Affon shom namozidan keyin masjidga kirib, yolgʻiz oʻtirdi. Men ham uning yoniga oʻtirdim. U: «Ey ogʻam oʻgʻli! Men Rasululloh ﷺ ‹Kim xufton namozini jamoat bilan oʻqisa, goʻyo kechaning yarmini ibodat bilan oʻtkazgandek boʻladi; kim bomdod namozini jamoat bilan oʻqisa, goʻyo butun kechani ibodat bilan oʻtkazgandek boʻladi› deyayotganlarini eshitdim», dedi.Усмон ибн Аффон (розияллоҳу анҳу)дан ривоят қилинади: Усмон ибн Аффон шом намозидан кейин масжидга кириб, ёлғиз ўтирди. Мен ҳам унинг ёнига ўтирдим. У: «Эй оғам ўғли! Мен Расулуллоҳ ﷺ ‹Ким хуфтон намозини жамоат билан ўқиса, гўё кечанинг ярмини ибодат билан ўтказгандек бўлади; ким бомдод намозини жамоат билан ўқиса, гўё бутун кечани ибодат билан ўтказгандек бўлади› деяётганларини эшитдим», деди.

- وعن أبي عمرو، ويقال‏:‏ أبو عبد الله‏:‏ ويقال‏:‏ أبو ليلى، عثمان ابن عفان، رضي الله عنه أن النبي صلى الله عليه وسلم، قال‏:‏ ‏"‏ ليس لابن آدم حق في سوى هذه الخصال‏:‏ بيت يسكنه، وثوب يواري عورته، وجلف الخبز، والماء‏"‏ ‏(‏‏(‏رواه الترمذي وقال‏:‏ حديث صحيح‏)‏‏)‏ ‏.‏ ‏(‏‏(‏قال الترمذي‏:‏ سمعت أبا داود سليمان بن سالم البلخى يقول‏:‏ سمعت النضر بن شميل يقول‏:‏ الجلف‏:‏ الخبز ليس معه إدام‏.‏ قال غيره‏:‏ هو غليظ الخبز‏.‏ وقال الهروي‏:‏ المراد به هنا وعاء الخبز؛ كالجوالق والخرج، والله أعلم‏)‏‏)‏‏.‏

Usmon ibn Affon (roziyallohu anhu)dan rivoyat qilinadi: Nabiy ﷺ: «Odam bolasi uchun mana bu narsalardan boshqasida haq yoʻq: yashaydigan uyi, avratini yopadigan kiyimi, bir burda non va suv», dedilar. Abu Iso aytdi: Bu hadis hasan sahih boʻlib, u Hurays ibn Soibning hadisidir. Abu Dovud Sulaymon ibn Salm al-Balxiy aytganini eshitdim: Nazr ibn Shumayl: «‹Jilf ul-xubz› — yaʼni u bilan birga qatiq-yov boʻlmagan (quruq non) demakdir», dedi.Усмон ибн Аффон (розияллоҳу анҳу)дан ривоят қилинади: Набий ﷺ: «Одам боласи учун мана бу нарсалардан бошқасида ҳақ йўқ: яшайдиган уйи, авратини ёпадиган кийими, бир бурда нон ва сув», дедилар. Абу Исо айтди: Бу ҳадис ҳасан саҳиҳ бўлиб, у Ҳурайс ибн Соибнинг ҳадисидир. Абу Довуд Сулаймон ибн Салм ал-Балхий айтганини эшитдим: Назр ибн Шумайл: «‹Жилф ул-хубз› — яъни у билан бирга қатиқ-ёв бўлмаган (қуруқ нон) демакдир», деди.