Ibn Abbos (roziyallohu anhumo) dedi: Hafsa Rasululloh ﷺni Oishaning kunida Ibrohimning onasi bilan birga topib qoldi va: «Albatta, buni unga xabar beraman», dedi. Rasululloh ﷺ: «Agar unga yaqinlashsam, u menga haromdir», dedilar. U esa buni Oishaga xabar qildi. Shunda Alloh azza va jalla Rasuliga buni bildirdi, u zot esa Hafsaga u aytgan narsalarning baʼzisini maʼlum qildilar. U: «Sizga kim xabar berdi?» dedi. U zot: «Menga Alim va Xabir (Zot) xabar berdi», dedilar. Soʻng Rasululloh ﷺ bir oy xotinlaridan iylo qildilar. Bas, Alloh: {Agar ikkovingiz Allohga tavba qilsangiz (yaxshi), zero qalblaringiz ogʻgan edi} (oyatini) nozil qildi. Ibn Abbos dedi: Men Umardan: «Rasululloh ﷺga qarshi til biriktirgan u ikkovi kim edi?» deb soʻradim. U: «Hafsa va Oisha», dedi.Ибн Аббос (розияллоҳу анҳумо) деди: Ҳафса Расулуллоҳ ﷺни Оишанинг кунида Иброҳимнинг онаси билан бирга топиб қолди ва: «Албатта, буни унга хабар бераман», деди. Расулуллоҳ ﷺ: «Агар унга яқинлашсам, у менга ҳаромдир», дедилар. У эса буни Оишага хабар қилди. Шунда Аллоҳ азза ва жалла Расулига буни билдирди, у зот эса Ҳафсага у айтган нарсаларнинг баъзисини маълум қилдилар. У: «Сизга ким хабар берди?» деди. У зот: «Менга Алим ва Хабир (Зот) хабар берди», дедилар. Сўнг Расулуллоҳ ﷺ бир ой хотинларидан ийло қилдилар. Бас, Аллоҳ: {Агар икковингиз Аллоҳга тавба қилсангиз (яхши), зеро қалбларингиз оғган эди} (оятини) нозил қилди. Ибн Аббос деди: Мен Умардан: «Расулуллоҳ ﷺга қарши тил бириктирган у иккови ким эди?» деб сўрадим. У: «Ҳафса ва Оиша», деди.