- وعن أبي بردة قال: وجع أبو موسى، فغشي عليه، ورأسه في حجر امرأة من أهله، فأقبلت تصيح برنة فلم يستطع أن يرد عليها شيئًا، فلما أفاق ،قال : أنا بريء ممن برئ منه رسول الله صلى الله عليه وسلم ، إن رسول الله صلى الله عليه وسلم برئ من الصالقة، والحالقة، والشاقة.((متفق عليه)) "الصالقة": التي ترفع صوتها بالنياحة والندب.
والحالقة : التي تحلق رأسها عند المصيبة الشاقة :التي تشق ثوبها.
Abu Burda ibn Abu Muso (Abu Musodan) rivoyat qiladi: Abu Muso qattiq kasal boʻldi, hushdan ketdi va boshini xotinining tizzasiga qoʻygan holda yotgan paytida, unga javob bera olmas edi. Hushiga kelgach, u: «Men — Rasululloh ﷺ bezor boʻlgan (kishilar)dan bezorman. Rasululloh ﷺ baqirib yigʻlaydigan (yoki yuziga uradigan), bosh qiradigan va (musibat tushganda) kiyimini yirtadigan ayoldan bezor», — dedi.Абу Бурда ибн Абу Мусо (Абу Мусодан) ривоят қилади: Абу Мусо қаттиқ касал бўлди, ҳушдан кетди ва бошини хотинининг тиззасига қўйган ҳолда ётган пайтида, унга жавоб бера олмас эди. Ҳушига келгач, у: «Мен — Расулуллоҳ ﷺ безор бўлган (кишилар)дан безорман. Расулуллоҳ ﷺ бақириб йиғлайдиган (ёки юзига урадиган), бош қирадиган ва (мусибат тушганда) кийимини йиртадиган аёлдан безор», — деди.
- وعن أبي بردة عن أبي موسى الأشعري رضي الله عنه قال: خرجنا مع رسول الله صلى الله عليه وسلم في غزاة، ونحن ستة نفر بيننا بعير نعتقبه، فنقبت أقدامنا ونقبت قدمي، وسقطت أظافري، فكنا نلف على أرجلنا الخرق، فسميت غزوة ذات الرقاع لما كنا نعصب على أرجلنا من الخرق قال أبو بردة: فحدث أبوموسى بهذا الحديث، ثم كره ذلك، وقال: ما كنت أصنع بأن أذكره! قال: كأنه كره أن يكون شئياً من عمله أفشاه. ((متفق عليه))
Abu Muso al-Ashʼariy (roziyallohu anhu)dan rivoyat qilinadi: «Biz Rasululloh ﷺ bilan birga bir gʻazotga chiqdik, biz olti kishi edik, oramizda navbatma-navbat minib turadigan bir tuyamiz bor edi. Oyoqlarimiz teshilib ketdi, mening oyoqlarim ham teshilib, tirnoqlarim tushib ketdi. Shu sababli oyoqlarimizga latta oʻrar edik. Oyoqlarimizga latta bogʻlaganimiz uchun u Zotur-Riqoʼ gʻazoti deb nomlandi». Abu Burda dedi: Abu Muso bu hadisni aytdi-yu, soʻng buni yoqtirmadi. (Rovi) dedi: «Goʻyo u (Alloh yoʻlida qilgan) amalidan biror narsani oshkor qilganini yoqtirmadi».Абу Мусо ал-Ашъарий (розияллоҳу анҳу)дан ривоят қилинади: «Биз Расулуллоҳ ﷺ билан бирга бир ғазотга чиқдик, биз олти киши эдик, орамизда навбатма-навбат миниб турадиган бир туямиз бор эди. Оёқларимиз тешилиб кетди, менинг оёқларим ҳам тешилиб, тирноқларим тушиб кетди. Шу сабабли оёқларимизга латта ўрар эдик. Оёқларимизга латта боғлаганимиз учун у Зотур-Риқў ғазоти деб номланди». Абу Бурда деди: Абу Мусо бу ҳадисни айтди-ю, сўнг буни ёқтирмади. (Рови) деди: «Гўё у (Аллоҳ йўлида қилган) амалидан бирор нарсани ошкор қилганини ёқтирмади».