حَدَّثَنَا عُثْمَانُ بْنُ أَبِي شَيْبَةَ، وَابْنُ أَبِي خَلَفٍ، قَالاَ حَدَّثَنَا سُفْيَانُ، عَنِ الزُّهْرِيِّ، عَنْ عَامِرِ بْنِ سَعْدٍ، عَنْ أَبِيهِ، قَالَ مَرِضَ مَرَضًا - قَالَ ابْنُ أَبِي خَلَفٍ - بِمَكَّةَ - ثُمَّ اتَّفَقَا - أَشْفَى فِيهِ فَعَادَهُ رَسُولُ اللَّهِ صلى الله عليه وسلم فَقَالَ يَا رَسُولَ اللَّهِ إِنَّ لِي مَالاً كَثِيرًا وَلَيْسَ يَرِثُنِي إِلاَّ ابْنَتِي أَفَأَتَصَدَّقُ بِالثُّلُثَيْنِ قَالَ " لاَ " . قَالَ فَبِالشَّطْرِ قَالَ " لاَ " . قَالَ فَبِالثُّلُثِ قَالَ " الثُّلُثُ وَالثُّلُثُ كَثِيرٌ إِنَّكَ أَنْ تَتْرُكَ وَرَثَتَكَ أَغْنِيَاءَ خَيْرٌ مِنْ أَنْ تَدَعَهُمْ عَالَةً يَتَكَفَّفُونَ النَّاسَ وَإِنَّكَ لَنْ تُنْفِقَ نَفَقَةً إِلاَّ أُجِرْتَ بِهَا حَتَّى اللُّقْمَةَ تَرْفَعُهَا إِلَى فِي امْرَأَتِكَ " . قُلْتُ يَا رَسُولَ اللَّهِ أَتَخَلَّفُ عَنْ هِجْرَتِي قَالَ " إِنَّكَ إِنْ تُخَلَّفْ بَعْدِي فَتَعْمَلْ عَمَلاً صَالِحًا تُرِيدُ بِهِ وَجْهَ اللَّهِ لاَ تَزْدَادُ بِهِ إِلاَّ رِفْعَةً وَدَرَجَةً لَعَلَّكَ أَنْ تُخَلَّفَ حَتَّى يَنْتَفِعَ بِكَ أَقْوَامٌ وَيُضَرَّ بِكَ آخَرُونَ " . ثُمَّ قَالَ " اللَّهُمَّ أَمْضِ لأَصْحَابِي هِجْرَتَهُمْ وَلاَ تَرُدَّهُمْ عَلَى أَعْقَابِهِمْ لَكِنِ الْبَائِسُ سَعْدُ ابْنُ خَوْلَةَ يَرْثِي لَهُ رَسُولُ اللَّهِ صلى الله عليه وسلم أَنْ مَاتَ بِمَكَّةَ " .
Omir ibn Saʼd otasi Saʼd ibn Abu Vaqqos (roziyallohu anhu)dan rivoyat qilib aytadi: U (Saʼd) Makkada shunday bir kasal boʻldiki, oʻlimga yaqinlashdi. Rasululloh ﷺ uni borib koʻrdilar. Shunda u: «Yo Rasululloh, mening koʻp molim bor, qizimdan boshqa vorisim ham yoʻq. (Molimning) uchdan ikkisini sadaqa qilaymi?» dedi. U zot: «Yoʻq», dedilar. U: «Yarmini-chi?» dedi. U zot: «Yoʻq», dedilar. U: «Uchdan birini-chi?» dedi. U zot: «Uchdan biri, hatto uchdan biri ham koʻpdir. Albatta, vorislaringni boy qoldirib ketsang, ularni odamlarga qoʻl ochib yuradigan muhtoj holda qoldirishingdan koʻra yaxshiroqdir. Sen Allohning yuzini istab qilgan har bir xarajatingga, hatto xotiningning ogʻziga koʻtargan bir luqmangga ham ajr olasan», dedilar. Men: «Yo Rasululloh, hijratimdan ortda qolamanmi?» dedim. U zot: «Sen mendan keyin ortda qolib, Allohning yuzini istab solih amal qilsang, bu bilan martabang va darajang yanada ortadi, xolos. Shoyad sen ortda qolarsanu, baʼzi qavmlar sendan manfaat topar, boshqalar esa sendan zarar koʻrar», dedilar. Soʻng: «Allohim, ashobimning hijratini toʻla qilgin va ularni ortlariga qaytarmagin. Lekin baxtsiz Saʼd ibn Xavla...», dedilar. Rasululloh ﷺ uning Makkada vafot etganiga achindilar.Омир ибн Саъд отаси Саъд ибн Абу Ваққос (розияллоҳу анҳу)дан ривоят қилиб айтади: У (Саъд) Маккада шундай бир касал бўлдики, ўлимга яқинлашди. Расулуллоҳ ﷺ уни бориб кўрдилар. Шунда у: «Ё Расулуллоҳ, менинг кўп молим бор, қизимдан бошқа ворисим ҳам йўқ. (Молимнинг) учдан иккисини садақа қилайми?» деди. У зот: «Йўқ», дедилар. У: «Ярмини-чи?» деди. У зот: «Йўқ», дедилар. У: «Учдан бирини-чи?» деди. У зот: «Учдан бири, ҳатто учдан бири ҳам кўпдир. Албатта, ворисларингни бой қолдириб кетсанг, уларни одамларга қўл очиб юрадиган муҳтож ҳолда қолдиришингдан кўра яхшироқдир. Сен Аллоҳнинг юзини истаб қилган ҳар бир харажатингга, ҳатто хотинингнинг оғзига кўтарган бир луқмангга ҳам ажр оласан», дедилар. Мен: «Ё Расулуллоҳ, ҳижратимдан ортда қоламанми?» дедим. У зот: «Сен мендан кейин ортда қолиб, Аллоҳнинг юзини истаб солиҳ амал қилсанг, бу билан мартабанг ва даражанг янада ортади, холос. Шояд сен ортда қоларсану, баъзи қавмлар сендан манфаат топар, бошқалар эса сендан зарар кўрар», дедилар. Сўнг: «Аллоҳим, ашобимнинг ҳижратини тўла қилгин ва уларни ортларига қайтармагин. Лекин бахтсиз Саъд ибн Хавла...», дедилар. Расулуллоҳ ﷺ унинг Маккада вафот этганига ачиндилар.