- وعن أبي عبد الله خباب بن الأرت رضي الله عنه قال: شكونا إلى رسول الله صلى الله عليه وسلم وهو متوسد بردة له في ظل الكعبة، فقلنا : ألا تستنصر لنا ألا تدعو لنا؟ فقال: قد كان من قبلكم يؤخذ الرجل فيحفر له في الأرض فيجعل فيها ثم يؤتى بالمنشار فيوضع على رأسه فيجعل نصفين، ويمشط بأمشاط من الحديد ما دون لحمه وعظمه، ما يصده ذلك عن دينه، والله ليتمن الله هذا الأمر حتى يسير الراكب من صنعاء إلى حضرموت لا يخاف إلا الله والذئب على غنمه، ولكنكم تستعجلون" ((رواه البخاري)).
Xabbob ibn al-Aratt (roziyallohu anhu)dan rivoyat qilinadi: Rasululloh ﷺ Kaʼba soyasida ridosini yostiq qilib yotgan paytlarida, biz u zotga (ahvolimizdan) shikoyat qilib: «Biz uchun (Allohdan) nusrat soʻramaysizmi? Biz uchun duo qilmaysizmi?» dedik. U zot: «Sizdan oldingilar orasida (moʻmin) bir kishi ushlanib, uning uchun yerda chuqur qazilar, soʻng unga (chuqurga) solinar edi. Soʻng arra keltirilib, boshiga qoʻyilar va ikkiga boʻlinar edi. Tanasidagi goʻshti va suyagi temir taroqlar bilan taralar edi. Biroq bu uni dinidan qaytarmas edi. Allohga qasamki, bu ish (Islom) albatta toʻkis boʻladi, hatto otliq Sanʼodan Hazramavtgacha faqat Allohdan va qoʻylariga (hujum qilishi mumkin boʻlgan) boʻridan boshqa hech narsadan qoʻrqmasdan yuradi. Lekin siz shoshilyapsiz» dedilar.Хаббоб ибн ал-Аратт (розияллоҳу анҳу)дан ривоят қилинади: Расулуллоҳ ﷺ Каъба соясида ридосини ёстиқ қилиб ётган пайтларида, биз у зотга (аҳволимиздан) шикоят қилиб: «Биз учун (Аллоҳдан) нусрат сўрамайсизми? Биз учун дуо қилмайсизми?» дедик. У зот: «Сиздан олдингилар орасида (мўмин) бир киши ушланиб, унинг учун ерда чуқур қазилар, сўнг унга (чуқурга) солинар эди. Сўнг арра келтирилиб, бошига қўйилар ва иккига бўлинар эди. Танасидаги гўшти ва суяги темир тароқлар билан таралар эди. Бироқ бу уни динидан қайтармас эди. Аллоҳга қасамки, бу иш (Ислом) албатта тўкис бўлади, ҳатто отлиқ Санъодан Ҳазрамавтгача фақат Аллоҳдан ва қўйларига (ҳужум қилиши мумкин бўлган) бўридан бошқа ҳеч нарсадан қўрқмасдан юради. Лекин сиз шошиляпсиз» дедилар.