قَالَ فَلَمَّا أَرَدْتُ أَنْ أَخْرُجَ قَالَتْ اجْلِسْ حَتَّى أُحَدِّثَكَ حَدِيثًا عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَتْخَرَجَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمًا مِنْ الْأَيَّامِ فَصَلَّى صَلَاةَ الْهَاجِرَةِ ثُمَّ قَعَدَ فَفَزِعَ النَّاسُ فَقَالَ اجْلِسُوا أَيُّهَا النَّاسُ فَإِنِّي لَمْ أَقُمْ مَقَامِي هَذَا لِفَزَعٍ وَلَكِنَّ تَمِيمًا الدَّارِيَّ أَتَانِي فَأَخْبَرَنِي خَبَرًا مَنَعَنِي الْقَيْلُولَةَ مِنْ الْفَرَحِ وَقُرَّةِ الْعَيْنِ فَأَحْبَبْتُ أَنْ أَنْشُرَ عَلَيْكُمْ فَرَحَ نَبِيِّكُمْ صَلَّى اللَّهُ عَلَيْهِ وَسَلَّمَ أَخْبَرَنِي أَنَّ رَهْطًا مِنْ بَنِي عَمِّهِ رَكِبُوا الْبَحْرَ فَأَصَابَتْهُمْ رِيحٌ عَاصِفٌ فَأَلْجَأَتْهُمْ الرِّيحُ إِلَى جَزِيرَةٍ لَا يَعْرِفُونَهَا فَقَعَدُوا فِي قُوَيْرِبٍ بِالسَّفِينَةِ حَتَّى خَرَجُوا إِلَى الْجَزِيرَةِ فَإِذَا هُمْ بِشَيْءٍ أَهْلَبَ كَثِيرِ الشَّعْرِ لَا يَدْرُونَ أَرَجُلٌ هُوَ أَوْ امْرَأَةٌ فَسَلَّمُوا عَلَيْهِ فَرَدَّ عَلَيْهِمْ السَّلَامَ قَالُوا أَلَا تُخْبِرُنَا قَالَ مَا أَنَا بِمُخْبِرِكُمْ وَلَا بِمُسْتَخْبِرِكُمْ وَلَكِنْ هَذَا الدَّيْرَ قَدْ رَهِقْتُمُوهُ فَفِيهِ مَنْ هُوَ إِلَى خَبَرِكُمْ بِالْأَشْوَاقِ أَنْ يُخْبِرَكُمْ وَيَسْتَخْبِرَكُمْ قَالَ قُلْنَا فَمَا أَنْتَ قَالَ أَنَا الْجَسَّاسَةُ فَانْطَلَقُوا حَتَّى أَتَوْا الدَّيْرَ فَإِذَا هُمْ بِرَجُلٍ مُوثَقٍ شَدِيدِ الْوَثَاقِ مُظْهِرٍ الْحُزْنَ كَثِيرِ التَّشَكِّي فَسَلَّمُوا عَلَيْهِ فَرَدَّ عَلَيْهِمْ فَقَالَ مِمَّنْ أَنْتُمْ قَالُوا مِنْ الْعَرَبِ قَالَ مَا فَعَلَتْ الْعَرَبُ أَخَرَجَ نَبِيُّهُمْ بَعْدُ قَالُوا نَعَمْ قَالَ فَمَا فَعَلُوا قَالُوا خَيْرًا آمَنُوا بِهِ وَصَدَّقُوهُ قَالَ ذَلِكَ خَيْرٌ
(Omir) aytadi: Men chiqmoqchi boʻlganimda, u: «Oʻtir, senga Rasululloh ﷺdan bir hadis aytib beray», dedi. U aytdi: Rasululloh ﷺ kunlardan bir kuni chiqib, peshin namozini oʻqidilar, soʻng oʻtirdilar. Odamlar choʻchib ketishdi. U zot: «Ey odamlar, oʻtiringlar! Men bu joyimda biror qoʻrqinch sababli turganim yoʻq. Lekin Tamim ad-Doriy oldimga kelib, menga shunday bir xabar berdiki, xursandlik va koʻz quvonchidan qaylula qilishimga qoʻymadi. Men sizlarga paygʻambaringiz ﷺning xursandligini yoyishni xohladim. U menga xabar berishicha, uning amakivachchalaridan bir guruh dengizga chiqibdi. Ularni qattiq shamol tutib, oʻzlari bilmagan bir orolga uloqtiribdi. Ular kemadagi qayiqchada oʻtirib, orolga chiqishibdi. Qarasalar, tuklari koʻp, junli bir narsa — u erkakmi yoki ayolmi, bilishmaydi. Unga salom berishibdi, u salomlariga alik olibdi. Ular: ‹Bizga xabar bermaysanmi?› deyishibdi. U: ‹Men sizlarga xabar beruvchi ham, sizlardan xabar soʻrovchi ham emasman. Lekin mana bu ibodatxonaga yaqinlashib qoldingizlar, unda sizlarning xabaringizga koʻp mushtoq boʻlgan, sizlarga xabar berib, sizlardan xabar soʻraydigan kishi bor›, debdi. Biz: ‹Sen kimsan?› debmiz. U: ‹Men Jassosaman›, debdi. Ular yurib, ibodatxonaga yetib borishibdi. Qarasalar, qattiq bogʻlangan, gʻamgin, koʻp shikoyat qiluvchi bir kishi turibdi. Unga salom berishibdi, u alik olibdi va: ‹Sizlar kimsizlar?› debdi. Ular: ‹Arablardanmiz›, deyishibdi. U: ‹Arablar nima qildi? Ularning paygʻambari chiqdimi?› debdi. Ular: ‹Ha›, deyishibdi. U: ‹Ular nima qilishdi?› debdi. Ular: ‹Yaxshilik: unga iymon keltirib, uni tasdiqlashdi›, deyishibdi. U: ‹Bu ular uchun yaxshiroq›, debdi», dedilar.(Омир) айтади: Мен чиқмоқчи бўлганимда, у: «Ўтир, сенга Расулуллоҳ ﷺдан бир ҳадис айтиб берай», деди. У айтди: Расулуллоҳ ﷺ кунлардан бир куни чиқиб, пешин намозини ўқидилар, сўнг ўтирдилар. Одамлар чўчиб кетишди. У зот: «Эй одамлар, ўтиринглар! Мен бу жойимда бирор қўрқинч сабабли турганим йўқ. Лекин Тамим ад-Дорий олдимга келиб, менга шундай бир хабар бердики, хурсандлик ва кўз қувончидан қайлула қилишимга қўймади. Мен сизларга пайғамбарингиз ﷺнинг хурсандлигини ёйишни хоҳладим. У менга хабар беришича, унинг амакиваччаларидан бир гуруҳ денгизга чиқибди. Уларни қаттиқ шамол тутиб, ўзлари билмаган бир оролга улоқтирибди. Улар кемадаги қайиқчада ўтириб, оролга чиқишибди. Қарасалар, туклари кўп, жунли бир нарса — у эркакми ёки аёлми, билишмайди. Унга салом беришибди, у саломларига алик олибди. Улар: ‹Бизга хабар бермайсанми?› дейишибди. У: ‹Мен сизларга хабар берувчи ҳам, сизлардан хабар сўровчи ҳам эмасман. Лекин мана бу ибодатхонага яқинлашиб қолдингизлар, унда сизларнинг хабарингизга кўп муштоқ бўлган, сизларга хабар бериб, сизлардан хабар сўрайдиган киши бор›, дебди. Биз: ‹Сен кимсан?› дебмиз. У: ‹Мен Жассосаман›, дебди. Улар юриб, ибодатхонага етиб боришибди. Қарасалар, қаттиқ боғланган, ғамгин, кўп шикоят қилувчи бир киши турибди. Унга салом беришибди, у алик олибди ва: ‹Сизлар кимсизлар?› дебди. Улар: ‹Арабларданмиз›, дейишибди. У: ‹Араблар нима қилди? Уларнинг пайғамбари чиқдими?› дебди. Улар: ‹Ҳа›, дейишибди. У: ‹Улар нима қилишди?› дебди. Улар: ‹Яхшилик: унга иймон келтириб, уни тасдиқлашди›, дейишибди. У: ‹Бу улар учун яхшироқ›, дебди», дедилар.